Ank Jyotish: अपघाताचा धोका टळतो! कोणत्या रंगाची गाडी भाग्याची, जन्मतारखेनुसार लकी रंगांची यादी

मूलांक 1 (जन्मतारीख: 1, 10, 19, 28)या मूलांकाचा स्वामी स्वतः सूर्यदेव आहे. सूर्याप्रमाणे तेजस्वी राहण्यासाठी या लोकांसाठी ऊर्जावान रंग सर्वोत्तम ठरतात. अंकशास्त्रानुसार मूलांक 1 च्या व्यक्तींसाठी गोल्डन (सोनेरी) आणि पिवळा रंग अत्यंत शुभ आहे.

मूलांक 2 (जन्मतारीख: 2, 11, 20, 29)मूलांक 2 चा स्वामी चंद्र आहे, जो शीतलता आणि शांततेचे प्रतीक मानला जातो. चंद्राची कृपा मिळवण्यासाठी सौम्य रंग उत्तम असतात. त्यामुळे या मूलांकाच्या व्यक्तींनी सिल्व्हर किंवा पांढऱ्या रंगाची गाडी खरेदी करावी.

मूलांक 3 (जन्मतारीख: 3, 12, 21, 30)या अंकाचा स्वामी देवगुरु बृहस्पती आहे. गुरु हा ज्ञान आणि विस्ताराचा कारक आहे. त्यामुळे मूलांक 3 च्या जातकांनी गाडी खरेदी करताना नारंगी रंगाची निवड करणे खूप शुभ मानले जाते.

मूलांक 4 (जन्मतारीख: 4, 13, 22, 31)मूलांक 4 वर राहू ग्रहाचा विशेष प्रभाव असतो. राहूचा प्रभाव संतुलित करण्यासाठी निसर्गाशी संबंधित रंग फायदेशीर ठरतात. त्यामुळे या मूलांकाच्या लोकांनी गडद हिरव्या रंगाची गाडी निवडावी.

मूलांक 5 (जन्मतारीख: 5, 14, 23)बुद्धी आणि संवादाचा कारक असलेला बुध ग्रह या मूलांकाचा स्वामी आहे. या लोकांसाठी फिकट आणि सौम्य रंग चांगले असतात. गाडी खरेदी करताना मूलांक 5 च्या व्यक्तींनी फिरोजा किंवा फिकट हिरव्या आणि तपकिरी रंगाची निवड करावी.

मूलांक 6 (जन्मतारीख: 6, 15, 24)सुख-सुविधा आणि प्रेमाचा देव शुक्र या मूलांकाचा स्वामी आहे. ग्लॅमर आणि आकर्षणासाठी गुलाबी रंग यांच्यासाठी सर्वात चांगला मानला जातो. मूलांक 6 च्या व्यक्तींनी फिकट गुलाबी रंगाची गाडी घेतल्यास अपघातांपासून त्यांचे रक्षण होते.

मूलांक 7 (जन्मतारीख: 7, 16, 25)या मूलांकावर केतू ग्रहाचे अधिपत्य असते. केतू हा अध्यात्माचे प्रतीक असून यासाठी गडद रंग प्रभावी ठरतात. शुभ फळांच्या प्राप्तीसाठी मूलांक 7 च्या व्यक्तींनी गडद निळा किंवा इंडिगो रंगाचा वापर करावा.

मूलांक 8 (जन्मतारीख: 8, 17, 26)न्यायाची देवता शनिदेव हे मूलांक 8 चे स्वामी आहेत. शनिदेवाची कृपा आणि आयुष्यात स्थिरता मिळवण्यासाठी गडद निळा किंवा काळा रंग शुभ मानला जातो. त्यामुळे या लोकांनी गाडी खरेदी करताना गडद निळा किंवा काळ्या रंगाला प्राधान्य द्यावे.

मूलांक 9 (जन्मतारीख: 9, 18, 27)अंकशास्त्रानुसार 9 हा अंक मंगळ देवाशी संबंधित आहे. हा अंक ऊर्जेने भरलेला असतो. त्यामुळे या मूलांकाच्या व्यक्तींनी गाडीसाठी लाल, मरून किंवा जांभळ्या रंगाची निवड करणे फायदेशीर ठरते.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)