Chandra Grahan 2025: संकटात आशेचा किरण! चंद्रग्रहणामुळे या 3 राशींचे चमकणार नशीब, पैसा येणार

वर्षातील दुसरे चंद्रग्रहण शनीच्या कुंभ राशीत होणार आहे. त्यावेळी चंद्र पूर्वभाद्रपद आणि शतभिषा नक्षत्रात विराजमान होईल. त्याचा प्रभाव 12 राशींवर दिसून येणार आहे. परंतु 12 राशींपैकी तीन राशींच्या जीवनात सकारात्मक परिणाम दिसणार आहेत. जाणून घेऊया कोणत्या तीन राशींवर चंद्रग्रहणाचा चांगला परिणाम होऊ शकतो. या भाग्यवान राशींबद्दल जाणून घेऊ..

चंद्रग्रहण 2025 तारीख आणि वेळ - वर्षातील शेवटचे चंद्रग्रहण खूप खास आहे, कारण ते खग्रास चंद्रग्रहण असेल. हे चंद्रग्रहण 7 सप्टेंबर 2025 रोजी होणार आहे. भारतीय वेळेनुसार, 7 सप्टेंबर रोजी रात्री 9:57 वाजता खग्रास चंद्रग्रहण सुरू होईल, ते 8 सप्टेंबर रोजी पहाटे 1:26 पर्यंत राहील. चंद्रग्रहणाचा मधला काळ रात्री 11:42 वाजता असेल, तर त्याचा मोक्षकाळ दुपारी 12:23 पासून सुरू होईल. हे चंद्रग्रहण सुमारे 4 तास चालेल. या वर्षातील शेवटचे चंद्रग्रहण भारतात दिसणार आहे. त्यामुळं सुतक काळ देखील वैध असेल.

मिथुन - वर्षातील शेवटचे चंद्रग्रहण या राशीच्या लोकांच्या जीवनात नवीन शक्यता घेऊन येणार आहे. या राशीच्या लोकांना अनेक क्षेत्रात प्रचंड यश मिळू शकते. बऱ्याच काळापासून अडकलेल्या कामांमध्ये यश मिळण्याची शक्यता आहे. आर्थिक परिस्थिती अचानक चांगली होईल. अनपेक्षित चांगली बातमी मिळू शकते. कुटुंब आणि मित्रांकडून तुम्हाला पूर्ण पाठिंबा मिळेल, ज्यामुळे तुम्ही तुमचे ध्येय साध्य करण्यात यशस्वी होऊ शकता.

हा काळ मिथुन राशीच्या व्यावसायिकांसाठी विशेषतः फायदेशीर ठरेल. चांगला नफा होऊ शकतो. नोकरी करणाऱ्या लोकांची पदोन्नती होऊ शकते, आदर मिळू शकतो. शिक्षण क्षेत्रातही तुम्हाला फायदा होऊ शकतो. स्पर्धा परीक्षांची तयारी करणाऱ्या विद्यार्थ्यांना अपेक्षित निकाल मिळतील.

धनु - हे चंद्रग्रहण धनु राशीच्या लोकांसाठी खूप शुभ आहे. या राशीच्या लोकांच्या अनेक इच्छा पूर्ण होऊ शकतात. करिअरमध्ये नवीन उंची गाठण्याच्या अनेक संधी मिळतील. यासोबतच, तुम्हाला व्यवसायाच्या क्षेत्रातही नशिबाची साथ मिळू शकते. तुम्हाला नवीन ऑर्डर मिळतील, ज्यामुळे भरपूर नफा होईल. वैवाहिक जीवनात आणि नातेसंबंधांमध्ये गोडवा येईल. या काळात विद्यार्थ्यांसाठी यशाचा मार्ग मोकळा होईल. आर्थिक परिस्थिती मजबूत असेल. समाजात आदर वाढेल. 

मकर - वर्षातील शेवटचे चंद्रग्रहण मकर राशीच्या लोकांसाठी खूप फायदेशीर ठरू शकते. या राशीच्या लोकांना नोकरी, व्यवसाय आणि शारीरिक समस्यांपासूनही आराम मिळू शकतो. तुम्हाला दीर्घकाळापासून असलेल्या वेदना आणि मानसिक ताणातून आराम मिळू शकतो. आर्थिक बाबींमध्ये सुधारणा होईल आणि उत्पन्नाचे नवीन स्रोत उघडतील. नोकरी करणाऱ्यांना पदोन्नती मिळेल. याशिवाय अनेक नवीन संधी मिळू शकतात. व्यवसायही चांगला चालेल. कौटुंबिक जीवनात आनंद आणि शांती राहील आणि मुलांकडूनही चांगली बातमी मिळण्याची शक्यता आहे.
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)