लालबागचा राजा विसर्जन मिरवणूकीत चोरांचा सुळसुळाट, 100 पेक्षा जास्त फोन आणि गळ्याची चैन गायब, पोलीस स्टेशन बाहेर रांगा

मोबाईल चोरीसोबतच सोन्याच्या चेन हिसकावण्याचेही प्रकार समोर आले आहेत. पोलिसांनी सांगितले की, सध्या 7 प्रकरणांची नोंद झाली असून, 2 सोन्याच्या चेन परत मिळाल्या आहेत आणि 12 आरोपींना ताब्यात घेण्यात आले आहे.

लालबागचा राजाची विसर्जन मिरवणूक लालबाग येथून सुरू होऊन गिरगाव चौपाटीपर्यंत सुमारे 32 ते 35 तास चालली. दरवर्षीप्रमाणे यंदाही लाखो भाविक बाप्पाला निरोप देण्यासाठी जमले होते, पण या गर्दीतच चोरट्यांनी हात साफ केला. मुंबई पोलिसांनी या घटनेत अधिक तपास सुरू केला असून, ड्रोन वापरासह नियमांचे उल्लंघन करणाऱ्यांवरही कारवाई केली जात आहे.