व्यवसायात लाखोंचं कर्ज घेऊन बुडाला! पण ही शेती ठरली गेमचेंजर, नांदेडचा शेतकरी करतोय ११,००,००० ची कमाई

2003 साली त्यांनी सिंधुदुर्ग येथून 220 रुपये प्रति रोप या दराने चिकूची 40 रोपं खरेदी केली आणि आपल्या एका एकर शेतीत ती लागवड केली. सुरुवातीच्या काही वर्षांत त्यांनी पिकाची निगा राखण्यात मोठी मेहनत घेतली. त्याचा परिणाम असा झाला की आज त्यांच्या शेतात दरवर्षी सुमारे 40 क्विंटल चिकूचे उत्पादन मिळत आहे. बाजारात या फळाला 30 रुपये प्रति किलो दर मिळतो आणि त्यामुळे वर्षाकाठी सुमारे 2 लाख 40 हजार रुपयांपर्यंत उत्पन्न मिळते. विशेष म्हणजे या विक्रीत त्यांचा खर्च अत्यंत कमी आहे, कारण एकदा बाग फुलल्यानंतर देखभाल खर्च मर्यादित राहतो.

त्यांच्या म्हणण्यानुसार, फळबागेमुळे शेती स्थिर उत्पन्न देणारी होते, तसेच शेतकऱ्यांना आर्थिकदृष्ट्या स्वावलंबी बनवते. आज संतोष देशमुख यांच्या चिकू आणि खरबूज शेतीकडे आसपासच्या गावातील शेतकरी अभ्यासासाठी येतात.