धर्मेंद्र यांच्या प्रकृतीत सुधारणा, हेमा मालिनींची ट्वीट करत माहिती

Dharmendra : बॉलिवूडचे दिग्गज अभिनेते धर्मेंद्र (Dharmendra) गेल्या 11 दिवसांपासून रुग्णालयात दाखल असून त्यांची प्रकृती चिंताजनक असल्याची माहिती समोर आली आहे. धर्मेंद्र यांना श्वास घेण्यास त्रास होत असल्याने 11 दिवसांपूर्वी त्यांना रुग्णालयात दाखल करण्यात आले होते. सध्या ते व्हेंटिलेटरवर असून डॉक्टरांचे त्यांच्या प्रकृतीवर लक्ष आहे. धर्मेंद्र यांच्या प्रकृतीबाबत हेमा मालिनी यांनी ट्विट करत हेल्थ अपडेट दिली आहे. धर्मेंद्र उपचार घेत असून त्यांच्या प्रकृतीत सुधारणा होत असल्याची माहिती हेमा मालिनी यांनी आपल्या ट्वीटमध्ये दिली आहे. धर्मेंद्र यांच्या प्रकृतीत सुधारणा होत असल्याने चाहत्यांनी सुटकेचा श्वास घेतला आहे.