लोक उडून पडले, एकाचा हात माझ्या समोर पडला; प्रत्यक्षदर्शीने सांगितले दिल्ली स्फोटाचा थरकाप
- Published by:Jaykrishna Nair
Last Updated:
Delhi Explosion: नवी दिल्लीतील लाल किल्ला मेट्रो स्थानकाजवळ मोठा स्फोट झाला असून यात नऊ जणांचा मृत्यू झाल्याचे समजते. स्फोटानंतर दिल्ली, मुंबईत हाय अलर्ट जारी करण्यात आला आहे.
नवी दिल्ली: राजधानी नवी दिल्लीतील प्रसिद्ध लाल किल्ला येथील मेट्रो स्थानकाच्या गेट क्रमांक १ जवळ उभ्या असलेल्या एका गाडीत मोठा स्फोट झाला. हा स्फोट इतका मोठा होता की त्यामुळे आजूबाजूच्या परिसरातील अनेक गाड्यांचे नुकसान झाले आहे. हाती आलेल्या रिपोर्टनुसार किमान 3 गाड्यांना आग लागली आहे. या स्फोटात आतापर्यंत ९ जणांचा मृत्यू झाल्याचे वृत्त आहे. तर अनेक जण जखमी झाले आहेत.
advertisement
एका प्रत्यक्षदर्शीने दिलेल्या माहितीनुसार, अचानक मोठ्या स्फोटाचा आवाज झाला. जणू काही जमीन हादरली. माझ्या हातात चहाचा कप होता. लोकांची धावपळ सुरू झाली. स्फोटामुळे लोक उडून पडले. जे माझ्या पायाजवळ येऊन पडले. ज्या गाडीत स्फोट झाला त्याच्या आजूबाजूच्या 3 गाड्यांना आग लागली. हा स्फोट नेमका कशाचा आहे हे अद्याप समजले नाही.
advertisement
दुसऱ्या एका प्रत्यक्षदर्शीने सांगितले की, स्फोटानंतर मोठा आवाज झाला आणि एकाचा तुटलेला हात माझ्या समोर येऊन पडला.
#WATCH | Delhi: "I never heard such a loud explosion ever in my life. I fell three times due to the explosion. It felt as if we were all going to die..." said a local shopkeeper to ANI https://t.co/mNFJMPex0i pic.twitter.com/KQcbOYYNu6
— ANI (@ANI) November 10, 2025
advertisement
या स्फोटानंतर संपूर्ण दिल्ली परिसरात हाय अलर्ट देण्यात आला आहे. इतक नाही तर मुंबईत देखील हाय अलर्ट दिला आहे. स्फोटाचा आवाज इतका मोठा होता की मी 3 वेळा पडलो. जणून काही मृत्यू समोर आला होता असे या परिसरात स्टॉल असलेल्या एका व्यक्तीने सांंगितले.
Location :
Mumbai,Maharashtra
First Published :
November 10, 2025 8:10 PM IST
मराठी बातम्या/ बातम्या/बातम्या/
लोक उडून पडले, एकाचा हात माझ्या समोर पडला; प्रत्यक्षदर्शीने सांगितले दिल्ली स्फोटाचा थरकाप
