वडील शेतीला वैतागले! पण मुलानं सुचवली भन्नाट आयडिया, आता करताय ३०,००,००० ची कमाई

मुंबई : तंत्रज्ञानाचा योग्य वापर केल्यास शेतीत क्रांती घडवता येते, याचं उत्तम उदाहरण अमरावती जिल्ह्यातील खरपी गावातील संत्रा उत्पादक शेतकरी विजय बिजवे यांनी दाखवून दिलं आहे. दोन वर्षांपूर्वी आर्थिक तोटा आणि निराशेमुळे संत्रा बाग तोडण्याचा निर्णय घेतलेल्या या शेतकऱ्याने मुलाच्या आग्रहावरून शेवटचा प्रयत्न म्हणून शेतीत आर्टिफिशियल इंटेलिजन्स (AI) तंत्रज्ञानाचा वापर केला आणि आज त्याच बागेत सोन्याचा बहर आला आहे. पूर्वी ४ ते ५ लाख रुपयांचं उत्पादन देणारी संत्रा बाग आता तब्बल २५ ते ३० लाख रुपये उत्पन्न देईल, असा विश्वास बिजवे यांनी व्यक्त केला आहे.