Mumbai Metro : बापरे! मेट्रो प्रवासात अशा प्रकारची घटना पहिल्यांदाच; प्रवासी म्हणाले ...

मुंबईतील दहिसर ते अंधेरी पश्चिम अशी धावणारी मेट्रो 2 अ मार्गिका ही एप्रिल 2022 मध्ये सुरू झाली होती. पण अवघ्या साडे तीन वर्षांतच या मार्गिकेतील काही मेट्रो गाड्यांच्या छताला गंज चढल्याचे समोर आले आहे. ही मार्गिका एमएमआरडीएने उभारली आहे. एमएमआरडीएनेच दहिसर ते गुंदवली दरम्यानची मेट्रो 7 मार्गिका देखील बांधली आहे. या दोन्ही मार्गिकांचे काम दोन टप्प्यांत पूर्ण झाले होते ज्यात पहिला टप्पा एप्रिल 2022 मध्ये आणि दुसरा जानेवारी 2023 मध्ये सुरू झाला होता. दोन्ही मार्गिका आता पूर्ण क्षमतेने चालू असून दररोज तीन लाखांहून अधिक प्रवासी या मेट्रो सेवेचा वापर करत आहेत.