सिक्रेट सांतावेळी ऑफिसच्या मित्रांना चुकूनही देऊ नका 'हे' 5 गिफ्ट्स, नाही तर होईल नुकसान!

ख्रिसमसचा सण जवळ आला की, ऑफिस किंवा मित्रमंडळींमध्ये 'सिक्रेट सांता' बनण्याची मोठी क्रेझ असते. एकमेकांना सरप्राईज गिफ्ट्स देऊन आनंद साजरा करण्याची ही एक उत्तम पद्धत आहे. मात्र, भेटवस्तू निवडताना आपण अनेकदा केवळ आकर्षणाचा विचार करतो. वास्तूशास्त्र आणि शकुन शास्त्रानुसार, काही वस्तू भेट म्हणून देणे अत्यंत अशुभ मानले जाते. या वस्तूंमुळे सकारात्मक ऊर्जेचा ऱ्हास होऊन नात्यात कटुता येऊ शकते.

टोकदार किंवा धारदार वस्तू: वास्तूशास्त्रानुसार, चाकू, कात्री किंवा कोणत्याही धारदार वस्तू भेट म्हणून देणे किंवा घेणे अशुभ असते. यामुळे देणाऱ्या आणि घेणाऱ्या व्यक्तीमधील संबंधांमध्ये 'धार' येते, म्हणजेच वादविवाद वाढून नात्यात दुरावा निर्माण होऊ शकतो.

रुमाल आणि परफ्यूम: रुमाल भेट देणे हे दु:खाचे प्रतीक मानले जाते, असे केल्याने संबंधित व्यक्तीशी भांडण होण्याची शक्यता असते. तसेच, परफ्यूम किंवा सुगंधी द्रव्ये भेट दिल्याने नशिबात अडथळे येतात आणि त्या व्यक्तीशी तुमचे संबंध हळूहळू संपू शकतात, अशी धारणा आहे.

शूज: भेट म्हणून बूट देणे हे विरहाचे लक्षण मानले जाते. शास्त्रानुसार, बूट किंवा चपला भेट दिल्याने घेणाऱ्या व्यक्तीच्या प्रगतीत अडथळे येतात आणि तुमच्यातील मैत्रीपूर्ण संबंधांना तडा जाऊ शकतो.

घड्याळ: अनेकांना घड्याळ भेट देणे आवडते, पण वास्तूशास्त्रानुसार घड्याळ हे वेळेचे प्रतीक आहे. कोणालाही घड्याळ भेट देणे म्हणजे आपल्या आयुष्यातील 'चांगली वेळ' दुसऱ्याला देण्यासारखे आहे किंवा समोरच्याची वेळ थांबवण्यासारखे मानले जाते.

देव-देवतांच्या मूर्ती: जोपर्यंत तुम्हाला समोरच्या व्यक्तीच्या श्रद्धेबद्दल आणि ती व्यक्ती मूर्तीची काळजी घेऊ शकेल की नाही याबद्दल खात्री नसेल, तोपर्यंत देवाची मूर्ती भेट देऊ नये. मूर्तीची योग्य प्रतिष्ठापना किंवा निगा न राखली गेल्यास त्याचा दोष देणाऱ्यालाही लागतो.

भेटवस्तू देण्याची योग्य पद्धत काय? भेटवस्तू देताना नेहमी ती दोन्ही हातांनी आणि चेहऱ्यावर हास्य ठेवून द्यावी. भेटवस्तू ही समोरच्याच्या उपयोगाची असावी आणि ती देताना मनात कोणताही स्वार्थ किंवा मत्सर नसावा. सर्वात महत्त्वाचे म्हणजे, भेटवस्तूचे पॅकिंग नेहमी चमकदार आणि प्रसन्न रंगाचे असावे, ज्यामुळे सकारात्मक ऊर्जा वाढते.