Surya Nakshatra Parivartan: चांगलं चाललेलं पण..! लॉसमध्ये आणणारी ग्रहस्थिती; या 3 राशींच्या नशिबी आता निराशा

सूर्य हा आत्मा, आत्मविश्वास, आरोग्य, उच्च पद, सरकारी कामे आणि पित्याचा (वडील) कारक ग्रह आहे. ज्या नक्षत्रात सूर्य प्रवेश करतो, त्या नक्षत्राच्या गुणधर्मांनुसार सरकारी कामे, नोकरीतील बढती आणि सामाजिक मान-सन्मान यावर थेट परिणाम होतो. बलवान सूर्य आत्मविश्वास, नेतृत्व क्षमता आणि शारीरिक तेज वाढवतो. नक्षत्र परिवर्तन होताच ही ऊर्जा कमी-जास्त होते

ज्योतिषशास्त्रानुसार, सूर्याच्या नक्षत्र परिवर्तनाला खूप महत्त्व आहे. सूर्य हा ग्रहांचा राजा मानला जातो. तो सुमारे दर 15 दिवसांनी एका नक्षत्रातून दुसऱ्या नक्षत्रात प्रवेश करतो. सूर्याचा प्रत्येक नक्षत्र गोचर मानवी जीवन, निसर्ग आणि वातावरण यावर परिणाम करतो.

मेष - ज्योतिषशास्त्रानुसार, सूर्याच्या नक्षत्र परिवर्तनानंतर तुमचे विरोधक कटकारस्थान रचण्याच्या कामात लागू शकतात. तुम्ही कामावर राजकारण टाळावे, अन्यथा तुम्ही कठीण परिस्थितीत सापडू शकता. सूर्याच्या नक्षत्र परिवर्तनानंतर या राशीच्या लोकांनी आर्थिक निर्णय काळजीपूर्वक घ्यावेत. वाईट संगतीत पडल्याने आर्थिक नुकसान होऊ शकते. या राशीच्या लोकांनी कायदेशीर नियमांचे उल्लंघन करणारी कोणतीही कृती टाळावी. यावर उपाय म्हणून, तुम्ही सूर्य मंत्रांचा जप करावा.

तूळ - सूर्याच्या संक्रमणामुळे तूळ राशीच्या लोकांना आर्थिक समस्यांना तोंड द्यावं लागू शकतं. तुमची बचत चुकीच्या कारणांसाठी खर्च होऊ शकते. पैशांचे योग्य बजेट बनवून पुढे जावे लागेल. नोकरी शोधणाऱ्यांना अधिक मेहनत घ्यावी लागेल. वाहन चालवतानाही तुम्हाला काळजी घ्यावी लागेल. तुम्हाला डोकेदुखी आणि घशाच्या समस्या त्रास देऊ शकतात, त्यासाठी आरोग्याची काळजी घ्या. यावर उपाय म्हणून तुम्ही गूळ, हरभरा इत्यादी दान करावे.

कुंभ - सूर्याचे नक्षत्र बदलल्यानंतर, तुम्ही काही त्रासदायक गोष्टींमध्ये अडकू शकता. रोजचे काम नीट होणार नाही. विशेषतः करिअरशी संबंधित समस्या तुम्हाला त्रास देऊ शकतात. नोकरी बदलण्याचा विचार करत असाल तर काळजीपूर्वक निर्णय घ्या. तुम्हाला तुमची आर्थिक परिस्थिती सुधारण्यासाठी देखील प्रयत्न करावे लागतील. योग्य सल्ल्याशिवाय गुंतवणूक करणे हानिकारक ठरू शकते. नाहक काही गोष्टींची अज्ञात भीती तुम्हाला त्रास देईल. यावर उपाय म्हणून, कुंभ राशीच्या लोकांनी योग आणि ध्यान करावे, हनुमान चालीसा पठण करावी.
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)