दर घसरले तरी सोनं घालणं पडू शकत महागात, 'या' राशींनी राहावं गोल्डपासून कोसो दूर; गरिबीला द्याल आमंत्रण!

ज्योतिषशास्त्र आणि रत्नशास्त्रानुसार, सोने हे केवळ एक मौल्यवान धातू नसून ते ग्रहांचा राजा 'सूर्य' आणि देवगुरू 'बृहस्पती' यांचे प्रतीक मानले जाते. सोने धारण केल्याने कुंडलीतील गुरु ग्रह प्रबळ होतो, ज्यामुळे मान-सन्मान आणि समृद्धी मिळते. मात्र, ज्याप्रमाणे प्रत्येक औषध प्रत्येकाला लागू पडत नाही, तसेच सोनेदेखील सर्व राशींसाठी शुभ नसते. सध्या सोन्याच्या दरात चढउतार होत असेल तरी सोनं नेमकं कोणी वापरावं हे जाणून घेणं अधिक महत्वाचे आहे.

वृषभ - ग्रहांचा संघर्ष: वृषभ राशीचा स्वामी 'शुक्र' आहे. ज्योतिषशास्त्रानुसार शुक्र आणि गुरु यांच्यात शत्रूवत संबंध मानले जातात. त्यामुळे वृषभ राशीच्या व्यक्तींनी सोने धारण केल्यास त्यांच्या कामात अडथळे येऊ शकतात. विशेषतः सोन्याच्या अंगठीमुळे त्यांना आर्थिक नुकसान किंवा व्यवसायात मंदीचा सामना करावा लागू शकतो.

मिथुन - निर्णयक्षमतेवर परिणाम: मिथुन राशीचा स्वामी 'बुध' आहे. बुध आणि गुरु यांचे नाते समतोल नसल्यामुळे सोने धारण केल्याने या राशीच्या व्यक्तींच्या निर्णयक्षमतेवर परिणाम होतो. त्यांना विनाकारण मानसिक ताण जाणवू शकतो आणि घरातील शांतता भंग होण्याची शक्यता असते.

कन्या - प्रगतीत अडथळे: कन्या राशीचा स्वामीदेखील 'बुध' आहे. या राशीच्या जातकांनी अंगावर जास्त सोने घातल्यास त्यांच्या प्रगतीचा वेग मंदावतो. त्यांना आरोग्याच्या तक्रारी, विशेषतः पोटाशी संबंधित विकार उद्भवू शकतात. त्यामुळे या राशीच्या व्यक्तींनी सोने घालण्यापूर्वी तज्ज्ञांचा सल्ला घेणे हिताचे ठरेल.

वृश्चिक - स्वभावात उग्रता: वृश्चिक राशीचा स्वामी 'मंगळ' आहे. मंगळ आणि गुरु मित्र असले तरी, वृश्चिक राशीच्या लोकांसाठी सोने धारण केल्याने त्यांच्या स्वभावात अधिक उग्रता किंवा चिडचिड येऊ शकते. यामुळे त्यांचे जवळच्या लोकांशी वाद होऊ शकतात आणि रक्तदाबासारख्या समस्या जाणवू शकतात.

कुंभ - शनीचा प्रभाव: कुंभ राशीचा स्वामी 'शनी' आहे. शनी आणि गुरु यांच्यातील ऊर्जा पूर्णपणे भिन्न आहे. कुंभ राशीच्या व्यक्तींनी सोने धारण केल्यास त्यांना नशिबाची साथ मिळणे कठीण होते. शनीच्या प्रभावामुळे सोन्याचा वापर त्यांच्यासाठी कष्टाचा काळ वाढवू शकतो, त्यामुळे त्यांनी सोन्याचे दागिने कमीत कमी वापरावेत.

मीन - संमिश्र परिणाम: मीन राशीचा स्वामी जरी 'गुरु' असला, तरी काही विशिष्ट नक्षत्र स्थितीत सोने धारण केल्याने या राशीच्या व्यक्तींचा खर्च भरमसाठ वाढतो. त्यांना बचतीमध्ये अडचणी येतात. जर कुंडलीत गुरु ग्रह पीडित असेल, तर सोने त्यांच्यासाठी दुर्दैव घेऊन येऊ शकते. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)