Astrology: वृषभ, कर्कसहित या राशीला येणार गुडन्यूज! शिमग्याच्या आधी मालव्य योगामुळे नशीब चमकणार

शुक्र मीन राशीत प्रवेश करताच तिथे आधीपासून असलेल्या शनीसोबत त्याची युती होईल. हे दोन्ही ग्रह परस्परांचे मित्र असल्याने हा संयोग अनेक क्षेत्रांत प्रगती घडवून आणेल. विशेष म्हणजे, शुक्र आपल्या उच्च राशीत येत असल्यामुळे 'मालव्य राजयोग' तयार होत आहे. ज्योतिषशास्त्रातील पंच महापुरुष योगांपैकी हा एक अत्यंत शुभ योग मानला जातो.

द्रिक पंचांगानुसार, वैभवाचा दाता शुक्र 2 मार्च रोजी पहाटे 1:01 वाजता मीन राशीत प्रवेश करेल आणि 26 मार्चपर्यंत याच राशीत राहील. या राजयोगाने काही राशीच्या लोकांच्या जीवनात सकारात्मक बदल होणार आहेत.

वृषभ - वृषभ राशीच्या लोकांसाठी मालव्य राजयोग अत्यंत लाभदायी ठरेल. तुमच्या राशीचा स्वामी स्वतः शुक्र असून तो लाभ स्थानी गोचर करणार आहे. यामुळे तुमच्या अनेक दिवसांपासून अपूर्ण असलेल्या इच्छा पूर्ण होऊ शकतात. उत्पन्नाचे नवीन मार्ग खुले होतील आणि प्रत्येक क्षेत्रात तुम्हाला नवीन संधी मिळतील.

वृषभ - तुम्ही केलेल्या मेहनतीचे योग्य फळ मिळण्याची हीच वेळ आहे. नोकरी करणाऱ्यांना नव्या आणि चांगल्या संधी मिळतील, ज्यामुळे करिअर नव्या उंचीवर पोहोचेल. मित्र आणि नातेवाइकांचे पूर्ण सहकार्य लाभेल. कायदेशीर प्रकरणांमध्ये यश मिळेल आणि आई किंवा मामाकडून आर्थिक मदत मिळण्याची शक्यता आहे.

कर्क - कर्क राशीच्या लोकांसाठी शुक्राचा हा राजयोग अनुकूल ठरेल. शुक्र तुमच्या भाग्य स्थानी विराजमान होणार असल्याने तुम्हाला नशिबाची पूर्ण साथ मिळेल. आयुष्यात बऱ्याच काळापासून सुरू असलेल्या अडचणी आता संपतील. कौटुंबिक जीवनात आनंदाचे वातावरण राहील, विशेषतः महिलांसाठी हा काळ उत्तम असेल. तुमचा ओढा अध्यात्माकडे वाढेल आणि तुम्ही धार्मिक सहलींचे नियोजन कराल. नवीन घर किंवा वाहन खरेदी करण्याचे स्वप्न या काळात पूर्ण होऊ शकते. तुमची आर्थिक स्थिती पूर्वीपेक्षा अधिक मजबूत होईल. 

धनू - धनू राशीच्या लोकांसाठी मालव्य राजयोग सुखात वाढ करणारा ठरेल. शुक्र तुमच्या सुख स्थानी गोचर करत असल्याने तुम्हाला वाहन किंवा एखादी मोठी वस्तू खरेदी करण्याची संधी मिळेल. कुटुंबासोबत तुमचा वेळ खूप मजेत जाईल आणि घरातील वातावरण आनंदी राहील. जे लोक आर्किटेक्ट, इंटीरियर डिझाइन, सेल्स किंवा रिअल इस्टेट क्षेत्राशी जोडलेले आहेत, त्यांना या काळात मोठा फायदा होण्याचे योग आहेत. मित्रमैत्रिणींच्या सहवासात चांगला वेळ जाईल आणि कुटुंबातील प्रत्येक सदस्य तुम्हाला प्रत्येक पावलावर साथ देईल.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)