डेली अप-डाउसाठी हे 5 स्वस्त Electric Scooter बेस्ट! किंमत फक्त ₹89,999पासून सुरु

Cheapest Electric Scooter in India: सध्याच्या काळात डेली कम्यूटिंगसाठी ई-स्कूटर सर्वात बेस्ट ऑप्शन आहे. तुम्हालाही येणाऱ्या काळात लाख-सव्वा लाख रुपयांमध्ये एखादी टू-व्हिलर खरेदी करायची असेल तर तुम्हाला काही ऑप्शनविषयी सांगणार आहोत. जे 1 लाखांच्या आस-पासच्या एक्स शोरुम किंमतीवर उपलब्ध आहेत.

आपल्या लिस्टमध्ये आम्ही Bajaj Chetak C25, Ola S1 X, TVS Orbiter, Ather Rizta X आणि Hero Vida VX2 सामिल केले आहे. हे सर्व बजेट-फ्रेंडली इलेक्ट्रिक स्कूटर्स आहेत. खरंतर यांची किंमत, रेंज, फीचर्स आणि स्पेसिफिकेशन्समध्ये खुप अंतर आहे. चला याची किंमत आणि वैशिष्ट्यांवर एक नजर टाकूया.

Ola S1 X : Ola S1 X या लिस्टमध्ये अव्वल स्थानावर आहे. त्याच्या बेस व्हेरिएंटची (2 kWh बॅटरी) किंमत ₹82,999 ते ₹89,999 (एक्स-शोरूम) दरम्यान आहे. ते 95-108 किमी रेंज आणि सुमारे 85-90 km/h कमाल वेग देते. ओलाची सर्वात मोठी ताकद म्हणजे त्याचे विस्तृत सेवा नेटवर्क, जलद चार्जिंग पर्याय आणि नेव्हिगेशन सारख्या अॅप-आधारित फीचर्सचा समावेश आहे. तसंच, लोक अनेकदा त्याच्या सर्व्हिसविषयी आणि बिल्ड क्वालिटीबद्दल तक्रार करतात.

नुकतेच लाँच झालेले Chetak C25 हे कंपनीचे सर्वात परवडणारे मॉडेल आहे. त्याची एक्स-शोरूम किंमत ₹91,399 आहे, परंतु पहिल्या 10,000 कस्टमर्ससाठी अर्ली-बर्ड डिस्काउंटसह, ती ₹87,100 मध्ये उपलब्ध आहे. 2.5 kWh बॅटरी 113 kmची रेंज आणि 55 km/h कमाल वेग देते. बजाज चेतकची सर्वात मोठी ताकद म्हणजे त्याची मजबूत मेटल बॉडी, प्रीमियम बिल्ड क्वालिटी आणि उत्कृष्ट सर्व्हिस नेटवर्क आहे.

Hero Vida VX2 : विडा वीएक्स 2 मध्ये बॅटरी-एज-ए-सर्व्हिस (BaaS) मॉडल आहे. ज्याचा बेस प्राइज खुप कमी आहे. VX2 Go व्हेरिएंट BaaS मध्ये ₹44,990 पासून सुरु होते. मात्र फूल प्राइज (बॅटरीसह)₹99,490 च्या आसपास आहे. VX2 Plus ची किंमत ₹94,800 पासून सुरु होते. रेंज 92-142 km पर्यंत आहे आणि टॉप स्पीड 70-80 km/h च्या आसपास क्लेम केली गेली आहे.

TVS Orbiter : याच्या किंमती ₹99,900 पासून सुरू होतात आणि ₹1,04,900 (एक्स-शोरूम) पर्यंत जातात. 3.1 kWh बॅटरीसह, ते 158 kmची प्रभावी रेंज देते. TVS ची बिल्ड क्वालिटी, हँडलिंग आणि सर्व्हिस उत्कृष्ट आहेत. ते कुटुंबासाठी आदर्श आहे, जे लांब रेंज आणि आरामदायी राइड देते. तुम्ही विश्वासार्हतेपेक्षा रेंजला प्राधान्य दिले तर ऑर्बिटर हा सर्वोत्तम ऑप्शन असू शकतो.