CNG Car चालवता काय? मग करा हे 5 कामं, मायलेज-परफॉर्मेंसमध्ये होईल वाढ

CNG Car Driving Tips: भारतात सीएनजी कारच्या ग्राहकांची संख्या सतत वाढत आहे. पेट्रोलच्या तुलनेत ते किफायतशीर आहे. त्यामुळे, दररोज लांब पल्ल्याचा प्रवास करणारे लोक देखील आरामात सीएनजी कार वापरू शकतात. पण अनेकदा असे दिसून येते की, लोक त्यांच्या सीएनजी कारची योग्य काळजी घेत नाहीत. ज्यामुळे त्यांना खराब परफॉर्मेंस ते कमी मायलेजपर्यंतच्या समस्यांना तोंड द्यावे लागते. तुम्हालाही या समस्येचा सामना करावा लागत असेल तर तुम्हाला या 5 गोष्टी लक्षात ठेवण्याची गरज आहे. जेणेकरून तुमची सीएनजी कार चांगल्या परफॉर्मेंससह चांगलं मायलेजही देईल.

CNGजी सर्व्हिसिंग वेळेवर करावी : तुम्ही तुमच्या सीएनजी कारची सर्व्हिसिंग वेळेवर करून घेतली पाहिजे. कारण असे केल्याने वाहनाची कार्यक्षमता तर सुधारेलच पण मायलेजही वाढेल. लक्षात ठेवा, कारची सर्विस फक्त ऑथराइज्ड सर्विस सेंटरमधूनच करावी.

टायर्समध्ये योग्य हवेचा दाब ठेवा : सीएनजी कारच्या सर्व टायर्समध्ये योग्य हवेचा दाब ठेवा. आठवड्यातून किमान एकदा तरी ते तपासण्याचा प्रयत्न करा आणि कंपनीने सांगितलेल्या प्रमाणात गाडीच्या सर्व टायर्समध्ये हवा भरा. असे केल्याने वाहनाची कामगिरी लक्षणीयरीत्या सुधारेल आणि मायलेज देखील वाढेल.

लिकेज चेक करा : सीएनजी सिलेंडर आणि त्याच्या पाईपची नीट तपासणी करा. कारण त्यामध्ये गळतीची समस्या असू शकते. ज्यामुळे गॅस हळूहळू बाहेर पडत राहतो आणि आपल्याला त्याबद्दल माहितीही मिळत नाही. त्यामुळे वाहनाचे मायलेज कमी होत राहते.

चेक व्हॉल्व्ह : गाडीत बसवलेल्या सीएनजी किटचा व्हॉल्व्ह तपासा. कधीकधी त्यात समस्या येऊ लागतात ज्यामुळे गॅस गळती सुरू होते आणि मायलेज देखील कमी होते. म्हणून, व्हॉल्व्ह नक्कीच तपासा आणि जर तो खराब होत असेल तर तो दुरुस्त करा.

स्पीडची काळजी घ्या : तुमच्या सीएनजी कारचा वेग 40-50 kmph प्रतितास ठेवा. असे केल्याने मायलेज वाढेल आणि कामगिरीही खूप चांगली होईल. तुम्हाला 30 सेकंदांपेक्षा जास्त वेळ थांबावे लागले तर इंजिन बंद करा, यामुळे पेट्रोलची बचत होईल. क्लच आणि एक्सीलेरेटचा योग्य वापर करा.