Tata Sierra EV धमाकेदार एंट्रीसाठी तयार! 500KM रेंजसह मिळतो 360° कॅमेरा

Tata Sierra EV भारतात अनेकदा टेस्टिंग दरम्यान दिसली आहे. नुकतीच कॅमोफ्लाजमध्ये रोड टेस्ट दरम्यान ती दिसली होती. ज्यामध्ये लेहमध्ये कोल्ड-वेदर ट्रायल्स आणि रफ टेरेन इव्हॅल्यूएशन्स सामिल आहेत.ही एसयूव्ही चार्जिंग फ्लॅप, एक्झॉस्ट पाईप नसलेली आणि स्वतंत्र मागील सस्पेंशनसह तिची ईव्ही ओळख पुष्टी करते. Acti.EV प्लॅटफॉर्मवर बनवलेली ही नवीन ई-एसयूव्ही कर्व्ह ईव्ही आणि हॅरियर ईव्ही दरम्यान ठेवली जाईल.

मिडसाइज इलेक्ट्रिक एसयूव्ही सेगमेंटमध्ये महिंद्रा बीई 6 आणि हुंडई क्रेटा ईव्हीसारख्या प्रतिस्पर्ध्यांना टक्कर देईल.2026 च्या दुसऱ्या तिमाहीमध्ये लॉन्च होण्याची अपेक्षा आहे. ही कार रेट्रो-मॉडर्न स्टायलिंग, अडव्हान्स फीचर्स आणि 500 किमीपर्यंत रेंजचा दावा करते.या कारची अंदाजे किंमत जवळपास 15-25 लाख रुपये असू शकते. चला जाणून घेऊया या कारमध्ये कोणकोणते फीचर्स पाहायला मिळू शकतात.

डिझाइन आणि इंटीरियर : टाटा सिएरा ईव्हीची डिझाइन रेट्रो आणि मॉडर्नचं मिश्रण असेल. यामध्ये बॉक्सी एसयूव्ही सिल्हूट, मस्कुलर स्टांस, रॅपराउंड रियर विंडोज, क्लोज्ड-ऑफ ग्रिल, स्लिम स्प्लिट-हेडलँप सेटअप, एयरो-ऑप्टिमाइज्ड 19 इंज अलॉय व्हील्स, फ्लश डोर हँडल्स, कनेक्टेड एलईडी लायटिंग, स्क्वेयर्ड-ऑफ व्हील आर्चेस आणि क्लीन रियरसह फूल-विड्थ एलईडी टेल लँप्सचा समावेश असेल. 1990 च्या दशकातील मूळ सिएराला ट्रिब्यूट देताना, ते स्मूथ सरफेस आणि मस्क्युलर बंपर यांसारखे आधुनिक ईव्ही एलीमेंट स्वीकारेल.

इंटीरियर मिनिमलिस्टिक आणि हवेशीर असेल, ज्यामध्ये ट्रिपल-स्क्रीन डॅशबोर्ड (12.3-इंच इन्फोटेनमेंट, 12.3-इंच प्रवासी मनोरंजन स्क्रीन आणि 10.25-इंच ड्रायव्हर डिस्प्ले), पॅनोरॅमिक सनरूफ, व्हेंटिलेटेड आणि पॉवर्ड फ्रंट सीट्स, ड्युअल-झोन क्लायमेट कंट्रोल, अॅम्बियंट लाइटिंग, वायरलेस चार्जर, डॉल्बीसह प्रीमियम हरमन ऑडिओ सिस्टम, वायरलेस अॅपल कारप्ले आणि अँड्रॉइड ऑटो, 360-डिग्री कॅमेरा, ड्युअल-टोन मटेरियल आणि हलका रंग पॅलेट असेल. सीटिंग ऑप्शन्समध्ये फाइव्ह-सीट किंवा चार-सीट लाउंज लेआउट असू शकते, जे एक प्रशस्त आणि आरामदायी केबिन देते.

फीचर्स आणि सेफ्टी : फीचर्समध्ये लेव्हल 2 एडास (एडाप्टिव्ह क्रूझ कंट्रोल, लेन कीप असिस्ट, ऑटोनॉमस इमरर्जेंसी ब्रेकिंग, ब्लाइंड स्पॉट मॉनिटरिंग), कनेक्टेड कार टेक्नॉलॉजी, व्ही2एल (व्हीकल-टू-लोड) आणि व्ही2व्ही (व्हिकल-टू-व्हिकल) चार्जिंग, इंस्टेंट टॉर्क, हिल लॉन्च/डिसेंट कंट्रोल, गूड ग्राउंड क्लियरेन्स आणि सस्पेंशन ट्यूनिंगचा समावेश असेल. जे रफ टेरेनवर चांगला परफॉर्मेंस देईल.

सेफ्टी फीचर्समध्ये सहा किंवा सात एयरबॅग्स, इलेक्ट्रॉनिक स्टेबिलिटी कंट्रोल (ईएससी), ट्रॅक्शन कंट्रोल, हिल-होल्ड असिस्ट, टायर प्रेशर मॉनिटरिंग सिस्टम (टीपीएमएस), ऑल-राउंड पार्किंग सेन्सर्स, 360-डिग्री कॅमेरा आणि लेव्हल 2 एडास स्टँडर्ड असतील. जे भारत एनसीएफीमध्ये मजबूत रेटिंग सुनिश्चित करतील.

बॅटरी, मोटर आणि रेंज : बॅटरी ऑप्शनमध्ये 65 kWh आणि 75 kWh पॅकचा समावेश असेल. ते थर्मल मॅनेजमेंटसह दिले जातील. मोटर सेटअपमध्ये मानक फ्रंट-व्हील ड्राइव्ह (FWD) किंवा रियर-व्हील ड्राइव्ह (RWD) आणि पर्यायी ड्युअल-मोटर ऑल-व्हील ड्राइव्ह (AWD) समाविष्ट असेल, जे चांगले ट्रॅक्शन आणि सौम्य ऑफ-रोड क्षमता प्रदान करेल. रेंज सुमारे 450-500 किमी असण्याची अपेक्षा आहे.