कपूर घराण्याच्या सूनेचा मराठी अंदाज, आलियाची नऊवारी बनवायला लागले 75 दिवस, असं काय आहे खास?

कपूर कुटुंबाची सून आणि टॅलेंटेड अभिनेत्री आलिया भट्टने पुन्हा एकदा तिच्या पारंपरिक लूकने सर्वांचं मन जिंकलं आहे.

आलियाला तिच्या स्टाईल सेन्ससाठी नेहमीच प्रशंसा मिळते. यावेळीही तिने महाराष्ट्र दिनानिमित्त पारंपरिक अंदाजात एंट्री घेतली.

महाराष्ट्र दिनाच्या निमित्ताने झालेल्या 'वेव्हज समिट'साठी आलियाने पारंपरिक महाराष्ट्रीयन लूक निवडला. या कार्यक्रमासाठी तिने अबू जानी-संदीप खोसला यांच्याकडून खास डिझाइन केलेली नऊवारी पैठणी साडी नेसली होती.

ही साडी हाताने विणलेली असून ती तयार होण्यासाठी एकूण 75 दिवसांचा कालावधी लागला. केशरी आणि गुलाबी रंगाच्या सुंदर मिश्रणाने बनलेली ही साडी तिच्या नाजूक आणि ग्लॅमरस लूकला पूरक ठरत होती.

आलियाने साडी क्लासिक नऊवारी स्टाईलमध्ये ड्रेप केली होती. ज्यामुळे तिच्या लूकला खास मराठमोळा टच मिळाला.

यासोबतच तिने फिरोजा रंगाचे कानातले आणि अंगठी घातली होती. एका हाताच्या मनगटावर घातलेला गजरा तिच्या एकूण लूकमध्ये अधिक उठावदार वाटत होता.

सोशल मीडियावर आलियाच्या या लूकचं प्रचंड कौतुक होत आहे. पारंपरिक साजशृंगारात तिचं हे रूप चाहते आणि फॅशन प्रेमींना विशेष भावलं आहे.