मराठी सिनेमाच्या रिलीज डेटवरून वाद, अमेय खोपकरांच्या टीकेवर दिग्पाल लांजेकरने अखेर मौन सोडलं

मराठी सिनेमा </a>आमने सामने आले आहेत. एक म्हणजे 'पुन्हा एकदा साडे माडे तीन' आणि दुसरा म्हणजे 'रणपति शिवराय'. पुन्हा एकदा साडे माडे तीन या सिनेमाचे निर्माते आणि मनसे नेते अमेय खोपकर यांनी रणपति शिवरायचे दिग्दर्शक दिग्पाल लांजेकर यांच्यावर चांगलाच निशाणा साधला. " width="1200" height="900" /> जानेवारी महिन्याच्या शेवटच्या शुक्रवारी दोन मराठी सिनेमा आमने सामने आले आहेत. एक म्हणजे 'पुन्हा एकदा साडे माडे तीन' आणि दुसरा म्हणजे 'रणपति शिवराय'. पुन्हा एकदा साडे माडे तीन या सिनेमाचे निर्माते आणि मनसे नेते अमेय खोपकर यांनी रणपति शिवरायचे दिग्दर्शक दिग्पाल लांजेकर यांच्यावर चांगलाच निशाणा साधला. 

अमेय खोपकर यांनी सांगितलं की, पुन्हा एकदा साडे माडे तीन या सिनेमाच्या रिलीज डेट त्यांची 3-4 वेळा बदलल्या. दुसऱ्या सिनेमाला तारख्या आणि थिएटर्स मिळूदेत म्हणून त्यांनी हा सिनेमा लांबणीवर ढकलला. दरम्यान 16 फेब्रुवारीला रिलीज होणारा रणपति शिवराय हा सिनेमा अचानक 30 जानेवारीला घेण्यात आला.

त्यानंतर अमेय खोपकर यांचं दिग्पाल लांजेरकरांशी बोलणं झालं. हा माझा निर्णय नाही तर डिस्ट्रीब्युटर्सचा निर्णय असल्याचं त्यांनी सांगितलं. यानंतर अमेय खोपकर भडकले.

ते म्हणाले, "मी फक्त ऐतिहासिक आणि महाराजांवर चित्रपट आहे, म्हणून मी गप्प आहे. काही निर्मात्यांची मस्ती उतरवायला हवी, त्यांना बॅन करण्याची गरज आहे. दिग्पाल लांजेकरने असाच आगाऊपणा केला, तर मी निर्माता संघ आणि महामंडळाला सांगेन की, दिग्पाल लांजेकरला बॅन करा."

या संपूर्ण प्रकरणावर आता रणपति शिवरायचे दिग्दर्शक दिग्पाल लांजेकर यांनी प्रतिक्रिया दिली. मटाशी बोलताना ते म्हणाले, "आमचा सुरूवातीला फोन कॉल झाला. त्यांना मी हे स्पष्ट केलं की, संपूर्ण सिनेसृष्टीला त्यांचा किती आदर आहे हे माहितीये. त्यांनी अनेकांना मदत केलीये. मी या चित्रपटाचा फक्त लेखक-दिग्दर्शक आहे. मी निर्माता नाहीये. तारखा ठरवणं आणि निर्णयक्षमता ही निर्मात्याची असते."

"पॅनोरामा कंपनी' या सिनेमाचे निर्माते आहेत. मी सरांना असं म्हटलं की, तुम्ही त्यांच्याशी संपर्क साधून, तुम्ही जे ठरवाल ती तारीख मला मान्य आहे."

दिग्पाल लांजेकर पुढे म्हणाले, "पॅनोरामा आणि आम्ही जेव्हा चर्चा करत होतो, तेव्हा आमच्या असं लक्षात आलं की, फेब्रुवारीमध्ये परीक्षा आहेत आणि हे शिवचरित्र जास्तीत जास्त विद्यार्थ्यांनी पहावं, अशी पहिल्यापासून आमची इच्छा आहे. त्यामुळे आम्ही अलीकडे घ्यावं, असा निर्णय त्यांनी घेतलेला आहे. निर्माते जो काही निर्णय घेतील तो मला मान्य आहेय आणि फोन घेतले नाहीत असं काही झालेलं नाही"