प्रसिद्ध अभिनेत्रीच्या लेकीची कमाल, बनली Apple कंपनीची ब्रँड अँबॅसेडर!

मराठी सिनेसृष्टीतील प्रसिद्ध अभिनेत्री किशोरी गोडबोलेने आपल्या अभिनयाची छाप प्रेक्षकांच्या मनावर सोडली आहे. अभिनेत्रा सोशल मीडियावर बरीच सक्रिय असते. नुकतीच किशोरीने लेकीसाठी एक खास पोस्ट शेअर केली आहे.

किशोरी गोडबोलेची मुलगी सई गोडबोलेने एक खास गोष्ट केली आहे. ज्यासाठी अभिनेत्रीने आपल्या मुलीचं कौतुक केलंय.

किशोरी गोडबोलेची ही पोस्ट सध्या चांगलीच व्हायरल होत असून नेटकरीही कमेंट करत सईचं कौतुक करत आहेत.

सई गोडबोलेने लोकप्रिय अ‍ॅप्पल कंपनीचीची ब्रँड अँबेसिडर झाली आहे. लेकीची ही उंच भरारी पाहून आई किशोरीला तिचा खूप अभिमान वाटत आहे.

किशोरी गोडबोलेने लेकीसाठी पोस्ट शेअर करत लिहिलं, सई माझी मुलगी Apple कंपनीची ब्रँड अँबॅसेडर झाली आहे, ती गेल्या आठवड्यात Apple ने आयोजित केलेल्या एका कार्यक्रमासाठी लॉस एंजेलिस येथे गेली होती. माझ्या या मल्टिटॅलेंटेड लेकीने हा मोठा सन्मान मिळवला आहे”

“तुमच्याकडे टॅलेंट असेल तर, तुम्ही जगातली कोणतीही गोष्ट करु शकता हे तू सिद्ध केलंस. अशीच पुढे जा आणि तुला खूप यश मिळो. मला तुझा खूप अभिमान आहे", असंही किशोरी गोडबोलेने म्हटलं.

दरम्यान, सई गोडबोले ही एक सोशल मीडिया इन्फ्युएंसर आहे. ती मल्टिटॅलेंटेड असून सोशल मीडियावर नव्या आणि हटके गोष्टी शेअर करत असते.