Rahul Deshpande : 'तुझा प्रत्येक दिवस...', घटस्फोटानंतर राहुल देशपांडेची एक्स पत्नी पहिल्यांदाच झाली व्यक्त

लग्नाच्या 17 वर्षांनंतर राहुल देशपांडेंच्या संसाराचे सूर बिघडले. पत्नीपासून विभक्त झाल्यानंतर काही दिवसांनी त्यांनी सोशल मीडियावर एक पोस्ट शेअर करत चाहत्यांना याबाबत माहिती दिली होती.

राहुल देशपांडे आपल्या पत्नीपासून विभक्त झाल्यानंतरही ते पत्नीसोबतची मैत्री कायम ठेवणार असल्याचं ते त्यावेळी आपल्या पोस्टमध्ये म्हणाले होते.

आता राहुल देशपांडे यांच्या वाढदिवशी त्यांच्या पत्नीने खास पोस्ट शेअर करत त्यांना वाढदिवसाच्या शुभेच्छा दिल्या आहेत. माझ्या आयुष्यातील तू बेस्ट पर्सन आहेस. तुझा प्रत्येक दिवस आनंदात जावो, असं म्हणत राहुल देशपांडेला त्याच्या पत्नीने शुभेच्छा दिल्या आहेत.

राहुल देशपांडे आणि नेहा यांचा घटस्फोट झाला असला तरीदेखील ते सोशल मीडियावर एकमेकांना फॉलो करतात.

राहुल देशपांडे आणि नेहा यांनी लग्नाच्या 17 वर्षांनंतर परस्पर संमतीने वेगळं होण्याचा निर्णय घेतला होता.

पंडित वसंतराव यांचे नातू आणि प्रसिद्ध शास्त्रीय गायक राहुल देशपांडे यांनी आपल्या वैयक्तिक आयुष्याबाबत मोठी घोषणा करता सर्वांनाच मोठा धक्का बसला होता.

राहुल देशपांडे यांच्या पत्नीने त्यांच्यासाठी एक खास पोस्ट शेअर केल्याने ते पुन्हा एकत्र येणार का? असा प्रश्न नेटकऱ्यांना पडला आहे.