वामिका-अकायसाठी फुल्ल टाइट सेक्युरिटी! वर्षाला पाण्यासारखा पैसा खर्च करतात विराट-अनुष्का, आकडा पाहून डोकं गरगरेल

मुंबई: भारतीय क्रिकेट संघाचा माजी कर्णधार विराट कोहली आणि बॉलिवूडची लोकप्रिय अभिनेत्री अनुष्का शर्मा हे त्यांच्या मुलांच्या गोपनीयतेबाबत आणि सुरक्षेबाबत खूपच गंभीर आहेत. त्यांनी आजवर आपली मुलगी वामिका आणि मुलगा अकाय यांचा चेहरा कॅमेऱ्यासमोर येऊ दिलेला नाही. तुम्हाला हे जाणून आश्चर्य वाटेल की, विराट आणि अनुष्का यांनी त्यांच्या मुलांच्या सुरक्षेसाठी नेमलेल्या बॉडीगार्डचा पगार अनेक मोठ्या कंपन्यांच्या CEO पेक्षाही जास्त आहे!

विराट कोहली हा जगातील सर्वात प्रसिद्ध क्रिकेटपटूंपैकी एक आहे, तर त्याची पत्नी अनुष्का शर्मा बॉलिवूडची आघाडीची अभिनेत्री आहे. या 'पॉवर कपल'ने आपल्यासोबतच मुलांच्या सुरक्षेसाठीही खासगी बॉडीगार्ड नेमले आहेत. विराट-अनुष्का आपल्या पर्सनल बॉडीगार्डला किती मानधन देतात, चला जाणून घेऊया.

विराट कोहली आणि अनुष्का शर्मा यांच्या पर्सनल बॉडीगार्डचे नाव प्रकाश सिंह असून, त्याला सोनू या नावानेही ओळखले जाते. सोनू गेल्या अनेक वर्षांपासून अनुष्का शर्माचा बॉडीगार्ड आहे. आता तो विराटच्या सुरक्षेची जबाबदारीही सांभाळतो.

विराट आणि अनुष्का दोघेही त्यांची मुलं अकाय आणि वामिकाबाबत खूपच संवेदनशील आहेत. ते आपल्या मुलांना सोशल मीडिया आणि पापाराझींपासून दूर ठेवतात, तसेच त्यांचे फोटो घेऊ देत नाहीत. बॉडीगार्ड सोनूचे काम हे देखील असते की, विराट-अनुष्का आणि त्यांच्या दोन्ही मुलांचे फोटो कोणीही त्यांच्या परवानगीशिवाय काढू नये. २०१७ पासून सोनू अनुष्कासोबत काम करत आहे.

विराट, अनुष्का आणि त्यांच्या दोन्ही मुलांच्या सुरक्षेसाठी सोनू खूप जास्त मानधन घेतो. मीडिया रिपोर्ट्सनुसार, सोनूला वर्षाला तब्बल १.२ कोटी रुपये पगार मिळतो! हा आकडा अनेक कंपन्यांच्या मुख्य कार्यकारी अधिकारी (CEO) यांच्या पगारापेक्षाही जास्त आहे. यावरून विराट आणि अनुष्का आपल्या मुलांच्या सुरक्षेला किती महत्त्व देतात, हे स्पष्ट होते.

विराट कोहली आणि अनुष्का यांच्या आयुष्यात बॉडीगार्ड सोनूचे महत्त्व खूप मोठे आहे. विराट आणि अनुष्का सोनूला त्यांच्या कुटुंबातीलच एक सदस्य मानतात.

विराट आणि अनुष्काचे लग्न २०१७ मध्ये झाले होते. त्यांची मुलगी वामिकाचा जन्म ११ जानेवारी २०२१ रोजी झाला, तर अकायचा जन्म १५ फेब्रुवारी २०२४ रोजी झाला. अनुष्का शर्मा आणि विराट कोहली हे आपल्या मुलांना लाइमलाइटपासून नेहमीच दूर ठेवतात.

बॉडीगार्ड सोनू अनेकदा वामिका आणि अकायचे फोटो काढणाऱ्या लोकांना अडवताना दिसतो. त्यांच्या या गोपनीयतेमुळे चाहत्यांमध्ये मुलांचा चेहरा पाहण्याची उत्सुकता नेहमीच कायम असते.