Gautami Patil : 'गोंधळ घालायचा असेल तर येऊ नका...' गौतमीने स्पष्टच सांगितलं, वर्ध्यातील राड्यानंतर संतापली

डान्सर गौतमी पाटील आणि तिचे कार्यक्रम नेहमीच चर्चेत असतात. गौतमी पाटील आणि गर्दी हे समीकरणच झालं आहे. पण गौतमीच्या कार्यक्रमात दर्दींपेक्षा उगाचच गर्दी करणारे प्रेक्षकच जास्त असतात.

वर्ध्यात पार पडलेल्या गौतमीच्या कार्यक्रमाला गालबोट लागलं. गौतमीला पाहण्यासाठी प्रेक्षकांनी तूफान गर्दी केली होती, प्रचंड गोंधळ केला आणि गर्दी नियंत्रणाबाहेर गेली.

गर्दीमुळे लोकांनी नाचणाऱ्या गौतमीला पाहात आलं नाही. पैसे देऊनही कार्यक्रम नीट पाहता आल्या नसल्याने लोकांनी गोंधळ घातला. कार्यक्रमाच्या ठिकाणी खु्र्च्या तोडल्या, आरडाओरडा करत गोंधळ घातला.

आता गौतमीच्या कार्यक्रमाला होणारी गर्दी आणि असे प्रकार होणं काही नवीन पण या सगळ्यावर गौतमी मात्र चांगलीच भडकली आहे. वर्ध्यातील राड्यानंतर गौतमी पाटील ठाण्यातील शास्त्रीनगर येथे शिवसेनेचे उपशाखाप्रमुख स्वप्निल शेडगे यांनी आयोजित केलेल्या होम मिनिस्टर कार्यक्रमासाठी आळी होती. या कार्यक्रमानंतर प्रतिक्रिया देत गौतमीनं वर्ध्यातील राड्यावर प्रतिक्रिया दिली.

गौतमी म्हणाली, "माझी नेहमीच ही खंत आहे. मी छान कार्यक्रम करून बाहेर निघते. नेहमी मला ट्रोल केलं जातं, मला नेहमी असं सांगितलं जातं. कार्यक्रमाला इतके लोक येतात. त्यातील मोजके लोक असे असतात. सगळा कार्यक्रम छाना झाला, पण हे ( राडा ) का झालं मला माहिती नाही."

"मी फक्त त्या प्रेक्षकांना एकच सांगेन, तुम्ही कार्यक्रमाला येता, एन्जॉन करायला येता, कला बघायला येत असाल तर प्लिज शांततेत कार्यक्रम बघा. तुम्ही गडबड गोंधळ करू नका, नाही तर येऊ नका. प्लिज कार्यक्रमाला आलात तर व्यवस्थित कार्यक्रम पाडू द्या, असं करू नका."

डान्सरचे कार्यक्रम करण्याबरोबरच गौतमी आता सिनेमातील गाणी देखील करू लागली आहे. गौतमीचे अनेक म्युझिक अल्बम्स देखील प्रेक्षकांच्या भेटीला आले आहेत. नऊवारी हे तिचं गाणं नुकतीच रिलीज झालं आहे. आतली बातमी फुटली या सिनेमातही तिने एक गाणं केलं.