Konkan Weather Update : रत्नागिरीत पावसाला सुरुवात; पुढील 3 दिवस कोकणात पावसाचा यलो अलर्ट, IMD कडून महत्त्वाची अपडेट

गेल्या काही दिवसांपासून राज्यात पावसानं दडी मारली होती, मात्र आता पुन्हा एकदा दमदार पावसाला सुरुवात झाली आहे. कोकणात मुसळधार पावसाचा इशारा देण्यात आला आहे.

रत्नागिरी जिल्ह्याला आजपासून पुढील तीन दिवस हवामान विभागाकडून (IMD) पावसाचा यलो अलर्ट देण्यात आला आहे. काही दिवसांच्या विश्रांतीनंतर पुन्हा एकदा पावसाला सुरुवात झाली आहे.

रत्नागिरीत गेले चार दिवस पावसानं विश्रांती घेतली होती, मात्र आज पुन्हा एकदा पावसाला सुरुवात झाली आहे. रत्नागिरी आणि परिसरात पावसानं हजेरी लावली आहे.

हवामान खात्याकडून रत्नागिरीला आजपासून पुढील तीन दिवस यलो अलर्ट देण्यात आला आहे. नागरिकांनी सतर्कता बाळगावी असं आवाहन हवामान खात्याकडून करण्यात आलं आहे.

पावसाला म्हणावा तसा जोर नसला तरी वातावरणात गारवा निर्माण झाला आहे. पावसामुळे शेतकऱ्यांना देखील मोठा दिलासा मिळाला आहे.