Sindhudurg News : जो कोणी अंत्यसंस्कारासाठी स्मशानभूमीत गेला तो जखमी होऊन आला; सिंधुदुर्गात खळबळ, नेमकं घडलं काय?

सिंधुदुर्ग जिल्ह्यातून एक धक्कादायक घटना समोर आली आहे, अंत्यसंस्कारासाठी स्मशानभूमीत गेलेल्या लोकांवर अचानक मधमाशांनी हल्ला केला.

या घटनेत अनेक जण गंभीर जखमी झाले आहेत. अखेर दोन तासांनंतर पीपीई कीट घालून मृतदेहावर अंत्यसंस्कार करण्यात आले. या प्रकाराणं एकच गोंधळ उडाला.

ही घटना सिंधुदुर्ग जिल्ह्यातल्या महंमदवाडी गावात घडली आहे. सर्व जण मृत व्यक्तीच्या अंत्यसंस्कारासाठी स्मशानभूमीत गेले होते. मात्र याचदरम्यान मधमाशांनी त्यांच्यावर हल्ला केला.

त्यामुळे त्यांना मृतदेहावर अंत्यसंस्कार करता आले नाही, अखेर दोन तासांनी पीपीई कीट घालून मृतदेहावर अंत्यसंस्कार करण्यात आले.

या घटनेनं वैभववाडी तालुक्यात खळबळ उडाली आहे. मधमाशांनी अचानक हल्ला केल्यामुळे अनेक जण जखमी झाले आहेत.