Tea Biscuit : चहासोबत बिस्कीट का खाऊ नये; चहा-बिस्कीट खाण्याचा परिणाम काय?

चहा आणि बिस्कीट जवळपास सगळेच लोक खातात. लहान मुलं सकाळी शाळेत जात असतील, संध्याकाळी शाळेतून घरी आली की त्यांना चहा-बिस्कीट दिलं जातं. अगदी साधा वाटणारा हा नाश्ता. पण आरोग्यासाठी घातक ठरू शकतो. आयुर्वेदात आणि आधुनिक पोषणशास्त्रातही हे कॉम्बिनेश विरुद्ध आहार मानलं गेलं आहे.

आयुर्वेदानुसार जे पदार्थ एकत्र खाल्ल्यावर शरीरातील पचनक्रिया बिघडते, दोष असंतुलित होतात आणि हळूहळू आजार निर्माण होतात, त्यांना विरुद्ध आहार म्हणतात. चहा आणि बिस्कीट हे कॉम्बिनेशन त्यापैकी एक.

चहा उष्ण आणि उत्तेजक असतो, त्यात कॅफीन असतं. पचनसंस्थेला तात्पुरती चालना देतो. पण शरीरात लोहासारख्या काही पोषक घटकाच्या शोषणात अडथळा आणतो. बिस्कीटमध्ये मैदा, साखर, हायड्रोजनेटेड तेल किंवा ट्रान्स फॅट, प्रक्रिया केलेला पदार्थ असतात जे जड आणि पचायला कठीण आहे.

गरम चहा आणि त्यात मैद्याचं बिस्कीट बुडवून खाल्ल्याने पचनावर ताण येतो.  गरम चहात बिस्कीट बुडवल्यावर बिस्कीट अधिक मऊ होतं ते पटकन खाल्लं जातं ते नीट चावलं जात नाही. परिणामी पचनक्रिया मंदावते. आम्लपित्त, गॅस, अपचन होऊ शकतं

दुसरं म्हणजे चहातील कॅफीन आणि बिस्किटातील साखर एकत्र झाल्यावर ब्लड शुगर अचानक वाढते आणि लगेच खाली येते. यामुळे थकवा, भूक लवकर लागणे अशा समस्या होतात. गोड खाण्याची सवय लागते. बहुतेक बिस्किटांत ट्रान्स फॅट, रिफाइन्ड तेल असतं. यासोबत चहा रोज घेतल्यास या कॉम्बिनेशनमुळे हळूहळू कोलेस्ट्रॉल वाढतं. हृदयावर ताण येतो

आयुर्वेदानुसार चहा वात आणि पित्त वाढवतो, तर बिस्कीट कफ वाढवतो. तिन्ही दोष एकत्र बिघडले तर जडपणा, सुस्ती, त्वचेच्या समस्या, वजन वाढ होऊ शकते. चहा बिस्कीट खाल्ल्याने पोट भरल्यासारखं वाटतं पण पोषण मिळत नाही. परिणामी खऱ्या भुकेऐवजी फक्त सवय लागते. चरबी साठते पोटाची चरबी वाढते

आधुनिक पोषणशास्त्रानुसार  बिस्कीट एम्पी कॅलरीज आहेत. तर चहा लोह शोषण कमी करतो. दोन्ही मिळून पोषक घटकांचं शोषण कमी करतात. म्हणजे खाल्लं तरी शरीराला फायदा होत नाही.