Health Tips : थंडीत आजारी पडायचं नाही ना? तर हे पदार्थ चुकूनही खाऊ नका, डाॅक्टरांना सांगितला नेमका आहार

आरोग्यासाठी अनेक गोष्टी फायदेशीर असतात. पण त्यांचे सेवन ऋतूनुसार केले पाहिजे. विशेषत: हिवाळ्यात आरोग्य दुर्लक्षित केल्यास ते महाग पडू शकते. निरोगी राहण्यासाठी बहुतेक लोक आपल्या आहारात बदलच करत नाहीत. अशा परिस्थितीत त्याचा फायदा होण्याऐवजी नुकसान होतं. Local18 शी बोलताना डॉ. अरुण चौबे यांनी कोणती काळजी घ्यायची आणि कोणता आहार याबद्दल माहिती सांगितली, ती सविस्तर पाहुया...

दूध : तुम्हाला हे जाणून आश्चर्य वाटेल की, दूधही अनेक प्रकरणांमध्ये तुमच्यासाठी हानिकारक ठरू शकते. पण सर्वांना दुधाचे साइड इफेक्ट्स होत नाहीत. तुम्हाला हे जाणून आश्चर्य वाटेल, पण हिवाळ्यात दूध तुम्हाला हानी पोहोचवू शकते. खरं तर, दुधाचे स्वरूप थंड असते आणि ते शरीरात कफ तयार करण्याचे काम करते. त्यामुळे कफ किंवा अस्थमाच्या रुग्णांनी त्याचे सेवन टाळावे. जर तुम्ही कफ किंवा अस्थमाचे रुग्ण असाल तर हिवाळ्यात दुधाचा वापर कधीही करू नका. सामान्य लोकांसाठीही गरम दूध पिणे फायदेशीर ठरते.

अल्कोहोल : हिवाळ्यात बहुतेक लोक स्वतःला गरम ठेवण्यासाठी अल्कोहोलचे जास्त प्रमाणात सेवन करतात, परंतु त्याचे सेवनही शरीराला हानी पोहोचवू शकते. त्याचे अतिसेवन शरीराचे निर्जलीकरण करू शकते आणि हानी पोहोचवू शकते.

गोड पदार्थ : जर आपण गोड पदार्थांबद्दल बोललो तर हेही या ऋतूत तुम्हाला हानी पोहोचवू शकते. या दिवसांत जास्त गोड पदार्थ खाणे तुमच्या आरोग्यासाठी हानिकारक ठरू शकते. माहितीनुसार, जास्त गोड पदार्थ खाणाऱ्या लोकांमध्ये बॅक्टेरियामुळे होणाऱ्या आजारांशी लढण्याची क्षमता कमी होते.

प्रोटीन : हिवाळ्यात प्रथिनांचे अतिसेवन देखील हानिकारक आहे. यामुळे कफची समस्या होऊ शकते. जर तुम्ही रेड मीट किंवा अंडी खात असाल तर त्याऐवजी मासे खा. हे तुमच्यासाठी यापेक्षा चांगले ठरेल.