Healthy Tips : रक्ताचा स्पॉट असलेलं अंड खाल्लं तर चालतं का? याचे शरीरावर काय होतात परिणाम?

अंड हे अनेकांच्या नाष्ट्याचा महत्वाचा भाग आहे. लोक नाष्ट्याला अंडी आवर्जून खातात. ज्यामध्ये कधी ऑमलेट, तर कधी बुर्जी तर कधी उकडलेलं अंड, तर कधी पोच अंड, तर कधी अंड्याचं सॅन्डविच असे वेगवेगळे प्रकार खाल्ले जातात.

पण तुम्ही कधी अंड फोडताना त्याच्या पिवळ्या भागावर रक्ता सारखा किंवा लाल डॉट पाहिला आहे का? काही लोक हा डाग असलेला भाग काढून टाकून अंड वापरतात, तर काही लोक ते अंड पूर्ण फेकून देतात. अशात प्रश्न असा उपस्थीत रहातो की असं अंड असेल तर काय करायचं? ते नक्की खायचं की नाही?

अंड्यातील पिवळ बलकमध्ये रक्ताचे डाग असतील तर ते नीट शिजवून घेतल्यास ते शरीराला हानिकारक नसते, असे तज्ज्ञांचे म्हणणे आहे. म्हणजेच ते योग्य फ्राय केलेले किंवा उकडलेले असेल तर ते अंडे खाण्यात काही नुकसान नाही. बरेच लोक रक्ताचा भाग चमच्याने उचलून काढतात आणि अंड शिवजतात, त्यातही काही नुकसान नसते.

जेव्हा अंडी फॅलोपियन ट्यूबमधून जाते तेव्हा त्यात बहुतेकदा मांस किंवा रक्ताचे तुकडे असतात. यामध्ये शरीराला हानी पोहोचवणारी कोणतीही गोष्ट नसते.

मात्र, अंड्याचा पांढरा भाग कधी गुलाबी, लाल किंवा हिरवा रंगाचा असेल, तर मात्र असं अंड खाऊ नये. कारण या अंड्यामुळे शरीराला मोठी हानी होते. तज्ज्ञांच्या मते त्या अंड्यातील काही विषारी जीवाणूंच्या प्रभावामुळे रंग बदलतो. या प्रकरणात, अशी अंडी फेकून द्यावीत.

साधारणपणे, 1 टक्के अंड्यातील पिवळ्या भागामध्ये असे रक्ताचे डाग असतात. अंडी बाजारात आणण्यापूर्वी त्यांची कॅन्डलिंग पद्धतीने चाचणी केली जाते. अंड्यातील पिवळ बलकाच्या आतील भागाची तीव्र प्रकाशाने तपासणी केली जाते आणि त्यात रक्ताचे डाग असलेली अंडी तेथे टाकून दिली जातात. परिणामी, अशी अंडी क्वचितच कोणाला मिळतात.

तथापि, पांढऱ्या कवच असलेल्या अंड्यांपेक्षा तपकिरी कवच ​​असलेल्या अंड्यांमध्ये रक्ताचे डाग असलेले अंड्यातील पिवळ बलक असण्याची शक्यता जास्त असते. कारण तपकिरी कवचाचा रंग अनेकदा डाग झाकतो. परिणामी, चाचणी दरम्यान ते आढळत नाही. कधीकधी अंड्याच्या पांढऱ्या भागात रक्ताचे डाग देखील दिसू शकतात. यामुळे शरीराला कोणतीही हानी होत नाही, असे तज्ज्ञांचे म्हणणे आहे.

(नोट : वरील माहिती सामान्य माहितीवर आधारीत आहे आणि न्यूज 18 मराठी याची पुष्टी करत नाही. आमचा उद्देश तुमच्यापर्यंत फक्त माहिती पोहोचवण्याचा आहे.)