Tips And Tricks : उत्तम दर्जाचं ब्लँकेट निवडण्यासाठी लक्षात ठेवा 'या' गोष्टी! चांगली उष्णता मिळेल, पैसेही वाचतील

Published by:Pooja Jagtap

Last Updated:Dec 28, 2025 9:59 AM IST

Blanket buying tips for winter : हिवाळा सुरू झाला की, सर्वात आधी गरज भासते ती उबदार आणि आरामदायी ब्लँकेटची. थंडीपासून संरक्षण मिळावे, झोप शांत लागावी आणि शरीराला योग्य उब मिळावी यासाठी चांगल्या दर्जाची गरम ब्लँकेट निवडणे खूप महत्त्वाचे असते. मात्र बाजारात उपलब्ध असलेल्या विविध प्रकारच्या ब्लँकेटमधून योग्य ब्लँकेट कशी निवडायची, याबाबत अनेकांना संभ्रम असतो. त्यामुळे गरम ब्लँकेट खरेदी करताना काही महत्त्वाच्या गोष्टी लक्षात ठेवणे आवश्यक आहे.

1/7

सर्वप्रथम ब्लँकेटमध्ये वुलन फायबर किती आहे ते तपासा. यासाठी ब्लँकेटवरील लेबल नीट वाचा. ज्या ब्लँकेटमध्ये वुलन (Wool Fibre) जास्त प्रमाणात असते, ते ब्लँकेट अधिक उबदार असते. फायबरमध्ये जितका जास्त वुलनचा टक्का असेल, तितकी त्याची उब टिकून राहते. त्यामुळे खरेदीपूर्वी वुलनचे प्रमाण नक्की तपासा.

2/7

जर तुम्हाला जास्त उब हवी असेल, तर शक्यतो भेसळ नसलेला शुद्ध वुलन ब्लँकेट निवडा. चांगल्या दर्जाचे वुलन ऊन स्पर्शाला मऊ आणि चोपडे वाटते, जरी त्यामध्ये थोडासा नैसर्गिक खरखरीतपणा असतो. उच्च प्रतीचे मेरिनो किंवा कश्मीरी वुलन हे अधिक मऊ, हलके आणि कमी रुक्ष असते. संवेदनशील त्वचेच्या लोकांसाठी असे ब्लँकेट उत्तम ठरते.

3/7

ब्लँकेटच्या विणकामाची गुणवत्ता तपासणेही तितकेच महत्त्वाचे आहे. ब्लँकेटची बनावट एकसमान आहे का, कुठे सैल धागे, फाटलेले कडे किंवा खराब शिवण दिसते का, हे नीट पाहा. जर ब्लँकेटवर लूज थ्रेड्स किंवा फाटण्याच्या खुणा असतील, तर ते टाळलेलेच बरे. कारण ते लवकर खराब होऊ शकते.

4/7

वुलन ब्लँकेट उबदार आणि टिकाऊ असतात, पण ते तुलनेने महाग असू शकतात. जर तुम्हाला मध्यम उब हवी असेल किंवा फार जड ब्लँकेट नको असेल, तर सूती ब्लँकेट हा चांगला पर्याय ठरू शकतो. सूती ब्लँकेट हलके, हवादार आणि त्वचेसाठी आरामदायी असतात, मात्र ते खूप कडक थंडीमध्ये पुरेसे उबदार नसू शकतात.

5/7

बजेट मर्यादित असेल, तर सिंथेटिक ब्लँकेटचाही विचार करता येतो. सिंथेटिक ब्लँकेट स्वस्त असतात आणि त्यांची देखभाल करणेही सोपे असते. हे ब्लँकेट धुण्यास सोपे, लवकर वाळणारे आणि हलके असतात. मात्र नैसर्गिक वुलन ब्लँकेटइतकी उब आणि श्वसनक्षमता त्यामध्ये नसते.

6/7

एकंदरीत, गरम ब्लँकेट खरेदी करताना तुमची गरज, थंडीची तीव्रता, त्वचेची संवेदनशीलता आणि बजेट यांचा विचार करणे आवश्यक आहे. योग्य प्रकारचा, चांगल्या दर्जाचा आणि आरामदायी ब्लँकेट निवडल्यास हिवाळ्यातील रात्री अधिक सुखद आणि शांत झोप देणाऱ्या ठरतील.

7/7

Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.

Tips And Tricks : उत्तम दर्जाचं ब्लँकेट निवडण्यासाठी लक्षात ठेवा 'या' गोष्टी! चांगली उष्णता मिळेल, पैसेही वाचतील

फोटो

ताज्या बातम्या