2 आठवडे कॉलेजला दांडी; वडिलांनी विचारला जाब, रागात पुण्यातील तरुणानं केलं असं की पोलीसही चक्रावले

योगेश श्याम दुनघव (वय १६) असे घर सोडून गेलेल्या मुलाचे नाव आहे. तो खडकी येथील टिकाराम जगन्नाथ कनिष्ठ महाविद्यालयात इयत्ता बारावीत शिक्षण घेत आहे. गेल्या दोन आठवड्यांपासून योगेश महाविद्यालयात जात नसल्याचे वडिलांच्या निदर्शनास आले होते. याबाबत वडिलांनी त्याला विचारणा केली. तर, त्याने आपण क्रिकेट खेळण्यासाठी कॉलेजला दांडी मारल्याची कबुली दिली. या कारणावरून वडिलांनी त्याला समज देत जाब विचारला. वडिलांनी रागावल्याचा राग मनात धरून योगेशने कोणालाही काहीही न सांगता घर सोडले.