Toilet Cleaning Tips: टॉयलेट साफ करण्याचा कंटाळा? आता ब्रश न वापरता असा चमकवा कमोड; घरातील 'या' 2 गोष्टी करतील जादू

घराची स्वच्छता करताना सर्वात कठीण आणि नकोसं वाटणारं काम कोणतं असेल, तर ते म्हणजे टॉयलेट साफ करणं. तासनतास ते हार्श केमिकल्स वापरून ब्रशने रगडून साफ करणं खरोखरच त्रासाचं असतं. अनेकदा महागडी क्लीनर्स वापरूनही ते पिवळसर डाग जात नाहीत आणि त्या वासामुळे डोकेदुखी वाढते ती वेगळीच. पण विचार करा, जर तुम्हाला सांगितलं की तुमच्या घरातल्या साध्या टूथपेस्टने तुम्ही टॉयलेट चमकवू शकता, तर?

सध्या सोशल मीडियावर नो-ब्रश क्लीनिंगची एक भन्नाट ट्रिक व्हायरल होत आहे. टूथपेस्ट आणि बेकिंग सोडा यांचा वापर करून तुम्ही कोणत्याही कष्टाशिवाय टॉयलेट कसं आरशासारखं स्वच्छ करू शकता, याचं गुपित आज आपण उलगडणार आहोत.

टूथपेस्ट आणि सोडा एक पॉवरफुल कॉम्बिनेशनबेकिंग सोडामध्ये दुर्गंधी दूर करण्याचे नैसर्गिक गुणधर्म असतात, तर टूथपेस्टमध्ये सूक्ष्म घर्षण (Mild Abrasive) देणारे घटक असतात. जेव्हा हे दोन्ही एकत्र येतात, तेव्हा एक जबरदस्त क्लीनिंग पेस्ट तयार होते. ही पेस्ट टॉयलेटमधील जिद्दी डाग आणि साचलेली घाण अगदी सहज सैल करते.

ब्रश न वापरता साफ करण्याची पद्धतपहिली पायरी: टॉयलेट सीटवर आणि पाण्याच्या पातळीच्या आजूबाजूला थोडा बेकिंग सोडा शिंपडा. एका ओल्या स्पंजने हा सोडा पोर्सिलेनवर हलका पसरवून द्या. यामुळे दुर्गंधी लगेच कमी होऊ लागेल.

दुसरी पायरी: आता टॉयलेट सीटवरील पिवळ्या किंवा जिद्दी डागांवर आपली साधी टूथपेस्ट लावा. टूथपेस्टमध्ये असलेले हायड्रेटेड सिलिका एखाद्या पॉलिशरसारखे काम करते.तिसरी पायरी: या ट्रिकचं खरं रहस्य म्हणजे वेळ. हे मिश्रण लावल्यानंतर किमान 30 ते 60 मिनिटे तसेच राहू द्या. या काळात टूथपेस्ट आणि सोड्याची रासायनिक प्रक्रिया होऊन घाण पूर्णपणे निघते.चौथी पायरी: शेवटी, एका ओल्या कापडाने सीट पुसून घ्या आणि टॉयलेट फ्लश करा. पाहा, तुमचं टॉयलेट कसं चकाकायला लागेल.

कोणती टूथपेस्ट वापरावी?स्वच्छतेसाठी नेहमी साधी पांढरी टूथपेस्ट वापरणे सर्वोत्तम असते. यामध्ये कॅल्शियम कार्बोनेट किंवा सिलिका असते, जे पोर्सिलेनला पॉलिश करण्यासाठी मदत करते.काय टाळावे: रंगीत किंवा जेल टूथपेस्ट वापरणे टाळा. तसेच चारकोल कोळसा असलेली टूथपेस्ट वापरू नका, कारण त्याचे काळे डाग तसेच राहू शकतात.

या घरगुती उपायाचे फायदेस्क्रॅच पडत नाहीत: ब्रशने रगडल्यमुळे टॉयलेट सीटवर चरे पडू शकतात, पण टूथपेस्टने त्याची चमक टिकून राहते.आरोग्यासाठी सुरक्षित: बाजारातील जालीम रसायनांप्रमाणे याचा उग्र वास येत नाही, त्यामुळे बाथरूममधील हवेची गुणवत्ता चांगली राहते.वेळ आणि कष्ट वाचतात: रगडून साफ करण्याची मेहनत वाचते.

स्वयंपाकघरातील आणि बेसिनमधील वस्तूंचा वापर करून आपण आपलं घर अधिक चांगल्या प्रकारे स्वच्छ ठेवू शकतो. ही टूथपेस्ट ट्रिक आठवड्यातून एकदा किंवा दोनदा वापरल्यास तुम्हाला पुन्हा कधीही टॉयलेट साफ करण्यासाठी ब्रशची गरज भासणार नाही. आजच हा प्रयोग करून पाहा आणि आपलं बाथरूम चकाचक बनवा.

(नोट : वरील माहिती सामान्य माहितीवर आधारीत आहे, न्यूज 18 मराठी याची पुष्टी करत नाही, आमचा उद्देश तुमच्यापर्यंत माहिती पोहोचवण्याचा आहे)