Marathwada Weather: मराठवाड्यातील हवामानात मोठे बदल, विजांच्या कडकडाटासह या जिल्ह्यांत पावसाची शक्यता

राज्यात आज 14 जुलै रोजी कोकण भागासह पश्चिम महाराष्ट्रात काही ठिकाणी मुसळधार पावसाची शक्यता हवामान विभागाने वर्तवली आहे. मात्र मराठवाड्यात पाऊस कमी असणार आहे.

गेल्या काही दिवसात मान्सूनने मराठवाड्यात चांगली हजेरी लावली होती. हवामानात काही बदल जाणवत आहे. त्यामुळे पुढील काही दिवस पाऊस कमी स्वरूपाचा असणार आहे. मराठवाड्यातील पुढील 24 तासांचा हवामान अंदाज जाणून घेऊ.

मराठवाड्यात गेल्या 48 तासांपासून पावसाची तीव्रता कमी झाली असून आठही जिल्ह्यांना कोणताही सतर्कतेचा अलर्ट हवामान विभागाने दिलेला नाही. गेल्या आठवडाभरात काही जिल्ह्यांना यलो अलर्ट हवामान विभागाने जारी केला होता त्या जिल्ह्यांत पाऊस देखील समाधानकारक झाला. मात्र गेल्या 2 दिवसांपासून कोणताही सतर्कतेचा अलर्ट देण्यात आलेला नाही. त्यामुळे मराठवाड्यात हलका ते मध्यम स्वरूपाचा पाऊस राहणार आहे.

छत्रपती संभाजीनगर जिल्ह्यात विजांच्या कडकडाटासह हलका ते मध्यम स्वरूपाचा पाऊस असणार आहे. तर जालन्यात हलका पाऊस आणि ढगांचा गडगडाट राहणार आहे. तसेच उर्वरित परभणी, बीड, हिंगोली जिल्ह्यात एक दोन ठिकाणी हलका पाऊस असणार तर विजांचा कडकडाट देखील होऊ शकतो. तसेच नांदेड जिल्ह्यात हलका पाऊस आणि ढगांचा गडगडाट राहणार आहे. लातूर आणि धाराशिव जिल्ह्यात एक दोन ठिकाणी हलका पाऊस राहणार आहे.

मराठवाड्यातील सर्व 8 जिल्ह्यात पाऊस सर्वसाधारण तर काही ठिकाणी विजांच्या कडकडाटासह हलका ते मध्यम स्वरूपाचा पाऊस पडण्याची शक्यता आहे. गेल्या काही दिवसात मराठवाड्यात समाधानकारक पाऊस झाला होता त्यामुळे शेतकरी सुखावला होता, आता मात्र हवामानात बदल जाणवत असल्याने पावसाची शक्यता कमी आहे. आज कोकण, पश्चिम महाराष्ट्रासह काही ठिकाणी मुसळधार पाऊस असणार आहे मात्र मराठवाड्यात हलक्या ते मध्यम स्वरूपाच्या सरी असण्याची शक्यता आहे.

पुढील काही दिवस मराठवाड्यात मोठ्या पावसाची शक्यता कमी असून, शेतकऱ्यांना अजून काही काळ पावसाची प्रतीक्षा पाहावी लागणार आहे. हवामान विभागाने दिलेल्या अंदाजानुसार, मराठवाड्यातील काही निवडक ठिकाणीच विजांच्या कडकडाटासह हलका ते मध्यम स्वरूपाचा पाऊस पडण्याची शक्यता आहे.

त्यामुळे शेतकऱ्यांनी हवामानाचा अंदाज लक्षात घेऊन शेतीकामांचे योग्य नियोजन करावे, असे आवाहन करण्यात आले आहे.