Traffic Update: छत्रपती संभाजीनगर पुणे महामार्ग पूर्णपणे ठप्प, वाहनांच्या लांबच लांब रांगा

छत्रपती संभाजीनगर पुणे महामार्ग पूर्णपणे ठप्प झाला आहे. थर्टीफस्ट आणि नवीन वर्षाच्या सुट्ट्यानिमित्त सगळेच प्रवासी घराबाहेर पडले असताना महामार्गावर वाहनांच्या लांबच लांब रांगा लागल्या आहेत.

वाळूज संभाजीनगरमध्ये जवळ 7 किलोमीटर वाहनांच्या रांगाच रांगा लागलेल्या पाहायला मिळत असून महामार्गावरील वाहतूक पूर्णपणे ठप्प झाली आहे.

महामार्गावरील वाहतूक सेवा विस्कळीत झाल्यामुळे आणि महामार्गावर रांगा लागल्यामुळे वाहनधारकांचा संताप होताना दिसत आहे.

ॲम्ब्युलन्स, सिटी बस असे अनेक वाहने वाहतूक कोंडीत सापडले आहेत.

एकाच वेळी अनेक वाहनधारक सुट्टीचा आनंद लुटण्यासाठी घराबाहेर पडल्यामुळे वाहनांच्या लांबच लांब रांगा पाहायला मिळत आहे.