समृद्धी महामार्गावरचा धक्कादायक Video, पोलिसांना हे दिसत कसं नाही?

अविनाश कानडजे, प्रतिनिधी, छत्रपती संभाजीनगर : समृद्धी महामार्गावरील एक धक्कादायक चित्र समोर येत आहे. जालना जिल्ह्यातील कडवंचि गावाजवळ असलेल्या समृद्धी महामार्गावर चक्क रस्त्याच्या लेनवर येऊन फळं विकली जात आहेत.

जिथे वाहन 100 ते 120 पेक्षा अधिक वेगाने चालतात, तिथे काही लोकं आपला आणि वाहनधारकांचा जीव धोक्यात घालून अवैधपणे द्राक्ष विकताना पाहायला मिळत आहे.

रस्त्याने जाणाऱ्या वाहन चालकांना दिसावं म्हणून हे विक्रेते थेट रस्त्यावर येऊन हातात द्राक्ष घेऊन वाहन चालकांना दाखवताना दिसतात.

यापेक्षा आणखी संतापजनक म्हणजे लहान मुलांना देखील रस्त्यावर फळ विकण्यासाठी उभं करण्यात आले आहे. या परिसरात अशी 40 ते 50 लोकांची संख्या असून, जे समृध्दी महामार्गावर येऊन फळ विकत आहे.

धक्कादायक म्हणजे हा सर्व प्रकार सर्रासपणे सुरू असताना, पेट्रोलिंग करणाऱ्या पोलिसांना दिसत कसं नाही? असा प्रश्न उपस्थित होत होतोय.