परशुराम घाटात आगीचं तांडव! भीषण वणव्यामुळे मुंबई-गोवा महामार्ग धुराच्या विळख्यात; वाहतूक विस्कळीत

मुंबई-गोवा महामार्गावरील परशुराम घाट परिसरात सोमवारी संध्याकाळच्या सुमारास भीषण वणवा भडकल्याची घटना घडली. या आगीमुळे संपूर्ण घाट परिसर धुराच्या लोटांनी व्यापला गेला आहे.

वणव्याचा महामार्गावरील वाहतुकीवरही परिणाम झाला आहे. विशेष म्हणजे घाटमाथ्यावरच्या अनेक गावांना या आगीचा धोका निर्माण झाला असून नागरिकांमध्ये भीतीचे वातावरण पसरले आहे..

परशुराम घाट परिसरात लागलेल्या या भीषण वणव्याने काही वेळातच उग्र रूप धारण केलं. डोंगराळ भाग असल्यामुळे आगीने वेगाने पसरत संपूर्ण परिसर धुराने व्यापून टाकला आहे.

मुंबई-गोवा महामार्गावरून जाणाऱ्या वाहनचालकांना धुरामुळे रस्ता दिसेनासा झाला होता. त्यामुळे काही काळ वाहतूक मंदावली असल्याचंही पाहायला मिळालं..

या वणव्यामुळे घाटमाथ्यावर असलेल्या गावांनाही मोठा धोका निर्माण झाला असून स्थानिक नागरिकांमध्ये भीतीचं वातावरण आहे.

वनविभाग आणि अग्निशमन दलाकडून आग नियंत्रणात आणण्यासाठी युद्धपातळीवर प्रयत्न सुरू आहेत

मात्र उष्णता आणि वाऱ्याचा वेग यामुळे आगीवर नियंत्रण मिळवणं आव्हानात्मक ठरत आहे..