Induction: टच की नॉब इंडक्शन; कोणतं आहे सर्वात सुरक्षित? खरेदीपूर्वी 'हे' माहीत असणं सर्वांसाठी गरजेचं

आजकाल प्रत्येक मॉडर्न किचनमध्ये 'इंडक्शन चुली'ने आपली जागा पक्की केली आहे. युद्धामुळे गॅस सिलिंडरच्या वाढत्या किमती आणि सिलिंडरची कमतरता यामुळे अनेक गृहिणी इंडक्शनला पसंती देतात. मात्र, जेव्हा बाजारात खरेदीसाठी जातो, तेव्हा एक मोठा प्रश्न समोर उभा राहतो की कोणता इंडक्शन घेणं जास्त चांगलं?

टच कंट्रोल (Touch Control) इंडक्शन घ्यावं की नवीन आलेलं नॉब कंट्रोल (Knob Control)? केवळ दिसायला चांगलं असून चालत नाही, तर स्वयंपाकघरात काम करताना कोणतं तंत्रज्ञान सर्वात जास्त सुरक्षित आणि सोयीस्कर आहे, हे समजून घेणं अत्यंत महत्त्वाचं आहे.

टच कंट्रोल इंडक्शन: आधुनिक पण काही मर्यादा?टच कंट्रोल इंडक्शन दिसायला अतिशय स्टायलिश आणि 'स्लिक' असतं. पूर्णपणे काचेचा पृष्ठभाग असल्याने ते स्वच्छ करणं सोपं जातं. मात्र, यामध्ये काही व्यवहार्य अडचणी येतात:-स्वयंपाक करताना अनेकदा आपले हात ओले किंवा पीठाचे असतात, अशा वेळी टच बटण व्यवस्थित काम करत नाही.-शेजारी दुसरी वस्तू ठेवताना किंवा साफ करताना चुकून स्पर्श झाला तरी तापमान बदलू शकतं, जे सुरक्षिततेच्या दृष्टीने कधीकधी धोकादायक ठरू शकतं.-टच पॅनलमध्ये बिघाड झाला तर त्याची दुरुस्ती खर्चिक असते.

नॉब कंट्रोल इंडक्शन: सुरक्षिततेचा नवा अवतार ज्यांना पारंपरिक गॅस शेगडी वापरण्याची सवय आहे, त्यांच्यासाठी 'नॉब' (Knob) वाला इंडक्शन हा सर्वात सुरक्षित आणि सोपा पर्याय ठरत आहे. याची कारणं खालीलप्रमाणे आहेत: -नॉब असल्यामुळे तो जाणीवपूर्वक फिरवल्याशिवाय तापमान बदलत नाही. यामुळे 'ॲक्सिडेंटल टच'चा धोका टळतो. -गॅसप्रमाणेच नॉब फिरवून तुम्ही सेकंदाच्या आत तापमान कमी किंवा जास्त करू शकता. दूध उतू जात असताना किंवा एखादा पदार्थ करपत असताना हे झटपट नियंत्रण खूप कामाला येतं. -अनेक नॉब इंडक्शनसोबत आता ग्रिल स्टँड मिळतो, ज्यामुळे तुम्ही गॅसप्रमाणेच फुलके किंवा पापड थेट शेकू शकता, जे टच इंडक्शनवर शक्य नसते.

सुरक्षिततेच्या दृष्टीने फायदेशीर कोणता? जर आपण सुरक्षिततेचा विचार केला, तर नॉब इंडक्शन सध्या फायद्याचं ठरत आहे. याचं मुख्य कारण म्हणजे यात मिळणारे स्मार्ट फीचर्स: ऑटो कट-ऑफ जर भांडं इंडक्शनवरून उतरवलं तर ते लगेच गरम होणं बंद होतं. चाइल्ड लॉक (पर्यायी) अनेक मॉडेल्समध्ये नॉबला लॉक करण्याची सुविधा असते, जेणेकरून लहान मुलं त्यासोबत खेळू शकणार नाहीत. ओव्हरहीट प्रोटेक्शन भांडं प्रमाणाबाहेर गरम झालं तर सेन्सर लगेच वीज पुरवठा खंडित करतो.

गृहिणींसाठी 'हा' पर्याय ठरेल बेस्टजर तुमच्या घरात वयस्कर व्यक्ती स्वयंपाक करत असतील किंवा तुम्हाला गॅस शेगडीसारखा 'फिजिकल कंट्रोल' हवा असेल, तर नॉबवाला इंडक्शन तुमच्यासाठी सर्वोत्तम आहे. हे वापरण्यास सोपं, टिकायला मजबूत आणि सुरक्षिततेच्या बाबतीत विश्वासार्ह आहे. दुसरीकडे, जर तुम्हाला केवळ लूक आणि हाय-टेक किचन हवं असेल, तर तुम्ही टच पॅनलकडे जाऊ शकता.

तंत्रज्ञान कोणतंही असो, आपली सोय आणि सुरक्षितता सर्वात आधी येते. त्यामुळे खरेदी करताना फक्त डिझाईन न पाहता, आपल्या वापराच्या सवयीनुसार योग्य पर्याय निवडा.