West Bengal: बंगालचा निकाल एकतर्फी लागणार, ताज्या ओपिनियन पोलने राजकीय खळबळ; या पक्षाला मिळणार सर्वाधिक 194 जागा
- Published by:Jaykrishna Nair
Last Updated:
West Bengal Opinion Poll: पश्चिम बंगालच्या विधानसभा निवडणुकीकडे संपूर्ण देशाचे लक्ष लागले आहे. राज्यात सत्ताधारी TMC विरुद्ध भाजप अशी थेट लढत होणार आहे. यात जनता कोणाच्या बाजूने कौल देणार याचा अंदाज एका ओपिनियन पोलमधून समोर आला आहे.
नवी दिल्ली/कोलकाता: संपूर्ण देशाचे लक्ष लागलेल्या पश्चिम बंगाल विधानसभा निवडणुकीच्या प्रचाराला सुरूवात झाली आहे. गेल्या रविवारी आयोगाने निवडणुकीचा बिगुल वाजवला. राज्यात 23 एप्रिल आणि 29 एप्रिल अशा दोन टप्प्यांत मतदान होणार आहे. तर मतमोजणी 4 मे रोजी होणार आहे. यंदाच्या निवडणुकीत राज्यात गेल्या 3 टर्मपासून सत्तेत असेलल्या ममता बॅनर्जी यांच्या नेतृत्वाखालील तृणमूल काँग्रेस (TMC)ची लढत भाजपविरुद्ध होणार आहे.
मुख्यमंत्रीपदासाठी पसंती
मुख्यमंत्रीपदासाठी ममता बॅनर्जी 48.5% पाठिंब्यासह आघाडीवर आहेत. त्यांच्या पाठोपाठ BJP चे सुवेंदू अधिकारी 33.4% समर्थनासह दुसऱ्या क्रमांकावर आहेत. काँग्रेसचे अधीर रंजन चौधरी (3.7%) आणि CPM चे मोहम्मद सलीम (4.3%) खूप मागे आहेत.
महिला मतदारांमध्ये ममता बॅनर्जी यांना 49.4% पाठिंबा आहे; जो पुरुषांच्या (47.6%) तुलनेत थोडा जास्त आहे. मुस्लिम समुदायात त्यांना सर्वाधिक 65.5% समर्थन मिळत आहे, तर ST (53.4%) आणि उच्चवर्णीय हिंदू (43.7%) मतदार सुवेंदू अधिकारी यांच्याकडे झुकत आहेत.
advertisement
मतांचे प्रमाण (Vote Share)
सर्व्हेनुसार TMC ला 41.9% मतांचा पाठिंबा मिळण्याचा अंदाज आहे. तर BJP ला 34.9% मते मिळू शकतात जे 2024 च्या लोकसभा निवडणुकीच्या ट्रेंडशी साधर्म्य दर्शवते. सुमारे 13% मतदार अद्याप अनिर्णित आहेत; जे निकालावर प्रभाव टाकू शकतात.
ट्रेंड
मुस्लिम मतदारांमध्ये TMC ला 57.6% पाठिंबा मिळत असल्याचे दिसते, तर अनुसूचित जमाती (ST) मतदारांमध्ये BJP ला 51% समर्थन आहे. अनुसूचित जाती (SC) आणि मातुआ समुदायामध्ये मतदार विभागलेले आहेत. त्यामध्ये 43% BJP च्या बाजूने तर 39.5% TMC च्या बाजूने आहेत. डावे आणि काँग्रेस मिळून फक्त 7.7% मतांवर मर्यादित राहण्याची शक्यता आहे.
advertisement
कोणाची सत्ता येणार?
पश्चिम बंगालमध्ये ममता दीदी पुन्हा सत्तेत येण्याच्या तयारीत असल्याचे ओपिनियन पोलमध्ये समोर आले आहे. विधानसभेच्या 294 पैकी TMC ला 184 ते 194 जागा मिळण्याचा अंदाज व्यक्त करण्यात आला आहे. दुसरीकडे भाजप (BJP) ला 98 ते 108 जागा मिळण्याची शक्यता असून 2021 च्या कामगिरीत सुधारणा होण्याची चिन्हे असली तरी सत्तांतर घडवण्यासाठी आवश्यक आकडा गाठणे कठीण असल्याचे VoteVibe च्या ‘Vote Tracker’ सर्व्हेत नमूद करण्यात आले आहे.
advertisement
या सर्व्हेनुसार काँग्रेस आणि डाव्या आघाडीसह इतर पक्षांना केवळ 1 ते 3 जागांवर समाधान मानावे लागण्याची शक्यता आहे.
बेरोजगारी हा मोठा मुद्दा
सर्वेक्षणानुसार बेरोजगारी हा सर्वात मोठा मुद्दा असून 37.2% लोकांनी तो प्रमुख चिंता असल्याचे सांगितले. कायदा-सुव्यवस्था आणि महिलांची सुरक्षितता (15.9%) हे पुढील महत्त्वाचे मुद्दे आहेत, ज्यावर RG Kar मेडिकल कॉलेज घटनेचा प्रभाव दिसून येतो. महागाई (10.5%) आणि भ्रष्टाचार (10.3%) हेही महत्त्वाचे मुद्दे आहेत.
advertisement
हुमायुन कबीर
निलंबित TMC आमदार हुमायून कबीर यांच्या निवडणुकीतील सहभागामुळे 40.7% लोकांच्या मते TMC च्या मुस्लिम मतांमध्ये फूट पडू शकते. 24.6% लोकांना वाटते की त्यांना BJP चा पाठिंबा आहे, तर केवळ 4.5% लोकांनी TMC त्यामागे असल्याचे मानले.
सरकारची कामगिरी
गेल्या पाच वर्षांतील राज्य सरकारच्या कामगिरीबाबत 43.3% लोकांनी “चांगली” किंवा “खूप चांगली” अशी प्रतिक्रिया दिली. तर 38.9% लोकांनी “खराब” किंवा “अत्यंत खराब” असे मत व्यक्त केले. यावरून काही प्रमाणात असंतोष असल्याचे दिसते.
advertisement
BJP समोरील आव्हाने
सर्व्हेनुसार BJP समोर अनेक अडचणी आहेत. 19.9% लोकांच्या मते पक्षातील अंतर्गत गटबाजी हा मोठा मुद्दा आहे. तर 17.2% लोकांनी प्रभावी नेतृत्वाच्या अभावाकडे लक्ष वेधले. 12.5% लोकांना वाटते की BJP ला बंगालची संस्कृती नीट समजलेली नाही. याशिवाय कमकुवत संघटन (10.1%) आणि प्रभावी संदेशाचा अभाव (12.3%) हेही मुद्दे आहेत. 22.5% लोकांनी याबाबत मत व्यक्त केले नाही.
Location :
Mumbai,Maharashtra
First Published :
Mar 23, 2026 8:53 PM IST
मराठी बातम्या/देश/
West Bengal: बंगालचा निकाल एकतर्फी लागणार, ताज्या ओपिनियन पोलने राजकीय खळबळ; या पक्षाला मिळणार सर्वाधिक 194 जागा
