'प्रत्येक 9 मिनिटाला एक विवाहित पुरुष संपवतो आयुष्य', असं बॅनर का झळकले मारबत मिरवणुकीत? Photos

बळीराजाच्या खांद्याला खांदा लावून वर्षभर शेतीत मशागत करणाऱ्या बैलाबद्दल कृतज्ञता व्यक्त करण्यासाठी पोळा हा सण साजरा होतो. विदर्भात पोळा दोन दिवस साजरा होतो. पोळ्याच्या दुसऱ्या दिवशी म्हणजेच आज तान्हा पोळा असतो. या दिवशी नागपूरमध्ये निघणारे मारबत हे शहराच्या सांस्कृतिक इतिहासातले मोठे वैभव आहे.

ईडापिडा, रोगराई, महागाई इत्यादी घेऊन जा गे मारबत,’ असं म्हणतं नागपूर शहरामध्ये मारबतच्या मिरवणुकीला सुरुवात झाली आहे. काळी, पिवळी आणि अनेक बडग्यांच्या रूपाने वाईट प्रवृत्तीचे दहन करण्यात यावेळी करण्यात येणार आहे. यंदा पिवळ्या मारबतीला 139 वर्ष पूर्ण होत आहे तर काळी मारबतीला 143 वर्ष पूर्ण होत आहे.

 नागपूर शहरात सकाळपासून पावसाची रिपरीप सुरू असली तरी त्याचा परिणाम मारबत उत्सवावर दिसून आला नाही. सकाळ पासून हजारो नागपूरकर डिजे,ढोल ताशांच्या गजरात हा एकत्र येत हा उत्सव साजरा करत आहेत.

नागपुरातील नेहरू चौक येथे ऐतिहासिक मारबत उत्सवातील महत्वपूर्ण आणि आकर्षण म्हणजे काळी आणि पिवळी मारबत यांची गळा भेट होत असते. हा सोहळा पाहण्यासाठी नागपूरसह देशाच्या कानाकोपऱ्यातून लोक जमा झाले आहेत.

प्रत्येक 9 मिनिटाला एक विवाहित पुरुष संपवतो आयुष्य', असं बॅनर या मिरवणुकीत झळकलेले या वेळी पाहिला मिळाले.

मारबत आणि बडग्या हे वाईट शक्तींचे प्रतीक मानले जातात. त्यामुळे या वाईट शक्तींची धिंड काढून त्यांना शहराबाहेर दहन करण्याची आणि शहर स्वच्छ, प्रदूषणमुक्त आणि समस्याविरहित ठेवण्याचा उद्देश या उत्सवामागे आहे.

भाविकांना कोर्ट कचेरी, व्यवसायामधील समस्या दूर होऊन फायदा होऊ लागला. या पद्धतीनं सुरुवातीला विरंगुळा म्हणून असलेले मारबत नागपूरकरांचे श्रद्धास्थान बनले आहे आणि आज नागपूरच्या सांस्कृतिक इतिहासाचे वैभव मानले जाते.

(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)