कोकणात मुसळधार पाऊस; गुहागरला अवकाळीचा तडाखा, राज्यातील 'या' भागातही पावसाचा इशारा

स्कायमेटनं वर्तवलेल्या अंदाजानुसार कोकणामध्ये पावसाला सुरुवात झाली आहे. गुहागरला अवकाळी पावसाचा तडाका बसला आहे.

ऐन थंडीच्या हंगामामध्ये गुहागर तालुक्यात पहाटेच्या सुमारास मुसळधार पावसाला सुरुवात झाली आहे, अचानक आलेल्या या पावसामुळे शेतकऱ्यांची चिंता वाढली आहे.

अवकाळी पावसामुळे आंबा आणि काजू बागायतदार धास्तावले आहेत, बागांना मोहर येण्याच्या हंगामात आलेल्या या पावसाचा मोठा फटका शेतकऱ्यांना बसण्याची शक्यता आहे.

मुसळधार पावसामुळे तालुक्यातील अनेक भागाचा वीजपुरवठा देखील खंडित झाल्याचं पाहायला मिळालं, शेतकऱ्यांना या पावसाचा मोठा फटका बसण्याची शक्यात आहे.

कोकणासह मध्य महाराष्ट्रातही आज हलक्या ते मध्यम स्वरुपाचा पाऊस पडू शकतो, असा अंदाज स्कायमेटनं वर्तवला आहे.