Wardha Bus Accident : वर्ध्यात एसटी बसचा भीषण अपघात! 40 प्रवासी जखमी; 5 जणांची प्रकृती चिंताजनक; PHOTOS

वर्धा जिल्ह्यात एसटी बस उलटल्याने भीषण अपघात घडला असून या घटनेत 40 प्रवासी जखमी झाल्याची माहिती समोर आली आहे.

जिल्ह्याच्या आष्टीच्या तेलाई घाटात ही घटना घडली असून अपघातातील जखमींना रुग्णालयात भरती करण्यात आले आहे. 40 जखमीपैकी पाच प्रवाश्यांची प्रकृती गंभीर आहे.

अमरावती जिल्ह्याच्या वरुड येथून तळेगावला ही बस येत होती. दुचाकीला वाचविण्याच्या नादात बस उलटल्याची माहिती प्रवाशांनी दिली.

अपघात घडल्यानंतर स्थानिकांनी घटनास्थळी गर्दी केली. पाच रुग्णावाहिकांमध्ये जखमींना रुग्णालयात दाखल करण्यात आले.

अपघात झालेली बस एक महिला चालक चालवत होती. (MH 40 Y 5103) या क्रमांकाची ही बस होती.