विदर्भात कोजागिरीला असतो भुलाबाई उत्सव, पाहा काय आहे खास?

विदर्भातील कोजागिरी एक अकर्षकणाचा सण आहे. लहानांपासून मोठ्यांपर्यंत सर्वजण मोठ्या उत्साहात सहभागी होतात.

भुलाबाई, भूलोबा म्हणजे शंकर पार्वती, गणपती असलेली मूर्ती स्थापित करून घरोघरी किंवा काही ठिकाणी सामूहिक पद्धतीने भुलाबाईची गाणी गाऊन जागरण केलं जातं.

यात खिरापत हा विषय सर्वांचं आकर्षण असतं. खिरापत म्हणजे प्रत्येक घरी वेगवेगळ्या नाश्त्याच्या वस्तू खाण्यासाठी बनवल्या असतात. त्या उपस्थितांना ओळखायच्या असतात.

नाश्त्याच्या वस्तू ओळखल्यानंतर त्या खिरापत म्हणून वाटली जाते. सर्वजण मोठ्या आनंदाने खिरापतचा लाभ घेतात.

रात्री 12 वाजेपर्यंत सर्व मंडळी सामूहिक रित्या एकत्रित बसून किंवा घरगुती पद्धतीने दूध आटवतात. मसाला दूध किंवा बासुंदी बनवून रात्री देवाला नैवेद्य दाखवला जातो. त्यानंतर सर्वजण ते सेवन करतात.

विदर्भातील अनेक ठिकाणी विशेषतः ज्या घरी मुलगी आहे त्या घरी दसऱ्याच्या दुसऱ्या दिवशीपासून कोजागिरी पर्यंत 5 दिवस रोज सायंकाळी भुलाबाईची गाणी गायली जात होती. मात्र ही परंपरा आता लुप्त झालेली दिसून येते.

पूर्वी 5 दिवसांचा असणारा हा सण आता एकच दिवस कोजागिरीच्या दिवशी साजरा केला जातो.