शंभूराज देसाईंनी विचारलं, कोणतं बटण दाबणार? आजीच्या उत्तराने सगळेच पोट धरून हसले

राज्यात १२ जिल्हा परिषदा आणि १२५ पंचायत समित्यांच्या निवडणुकांसाठी आज मतदान होत आहे.

सातारा जिल्हा परिषदेची निवडणूक सुरू असून जिल्ह्याचे पालकमंत्री शंभूराज देसाई पाटण विधानसभा मतदार संघात डोंगरदऱ्यात मतदारांच्या गाठीभेटी घेत आहेत.

यावेळी एका 80 वर्षाच्या आज्जीला मतदान केलं का आणि कोणतं बटन दाबणार? असा प्रश्न शंभूराज देसाई यांनी विचारला.

त्यावर मला ऐकायला येत नाही, असे आजीने सांगितले. शंभूराज देसाई यांनी अगदी कानावर जाऊन विचारले, आजी कोणते बटण दाबणार?

आजीने क्षणाचाही विलंब न लावता शिवसेनेचे बटण दाबणार... असे उत्तर दिले. त्यावर उपस्थित सगळेच जण हास्यकल्लोळात बुडाले. आज्जीचा हा व्हिडिओ चांगलाच व्हायरल होत असून चर्चेत आला आहे.