Bank Holiday: होळी आणि धुळवडमुळे या आठवड्यात 4 दिवस बंद राहणार बँक

मुंबई: तुम्ही बँकेत जाण्याचं नियोजन करत असाल तर तुमच्यासाठी महत्त्वाची बातमी आहे. बँकेत जाण्याआधी सुट्ट्यांचं नियोजन पाहूनच मग बँकेत जा. याचं कारण म्हणजे या आठवड्यात चार दिवस बँक बंद राहणार आहे. त्यामुळे तुम्ही पैशांचं आणि कामाचं नियोजन करणं गरजेचं आहे. जर तुम्ही नियोजन केलं नाही तर तुमचा वेळ फुकट जाऊ शकतो.

या महिन्यात होळी, धुलिवंदन, गुढीपाडवा, यासारखे सण आहेत. त्यामुळे शनिवार रविवार व्यतिरिक्तही सुट्ट्या असणार आहेत. प्रत्येक राज्यांनुसार सुट्ट्यांच्या तारखा बदलत असतात. रिझर्व्ह बँक ऑफ इंडिया या सुट्ट्यांची यादी जाहीर करत असते. त्यामुळे तुमच्या भागात बँक कधी बंद राहणार आहे याची माहिती घेऊनच कामाचं नियोजन करा.

13 मार्च (गुरुवार) होलिका दहन आणि अट्टुकल पोंगलामुळे उत्तर प्रदेश, उत्तराखंड, झारखंड आणि केरळमध्ये बँका बंद राहतील. 14 मार्च (शुक्रवार): होळी (धुळेटी/धुळंडी/डोल जत्रा) मुळे बहुतेक राज्यांमध्ये बँका बंद राहतील.

15 मार्च (शनिवार): या दिवशी काही राज्यांमध्ये होळी साजरी केली जाईल, त्यामुळे आगरतळा, भुवनेश्वर, इंफाळ आणि पटना येथे बँका बंद राहतील. 16 मार्च (रविवार): साप्ताहिक सुट्टीमुळे देशभरातील बँका बंद राहतील.

22 मार्च (चौथा शनिवार) आणि 23 मार्च (रविवार): साप्ताहिक सुट्टीमुळे बँका बंद राहणार आहेत. 27 मार्च (गुरुवार): शब-ए-कद्र (जम्मूमध्ये बँका बंद) 28 मार्च (शुक्रवार): जुमात-उल-विदा (जम्मू आणि काश्मीरमध्ये बँका बंद)

30 मार्च (रविवार): साप्ताहिक सुट्टी, 31 मार्च (सोमवार): रमजान-ईद (ईद-उल-फित्र), बहुतेक राज्यांमध्ये बँका बंद राहतील. बहुतेकवेळा सलग सुट्ट्या आल्याने या कालावधीमध्ये ATM मध्येही पैशांचा खडखडाट राहण्याची शक्यता आहे. त्यामुळे पैसे आधीच काढून ठेवा.

बँका बंद असल्या तरी तुम्ही तुमची कामं ऑनलाईन अॅपवरुन करु शकता. जसं की पैसे ट्रान्सफर करणं किंवा FD, RD करणं किंवा योजनेसाठी पैसे भरणं इत्यादी सुविधा तुम्हाला ऑनलाईन घरबसल्या इंटरनेट बँकिंच्या मदतीनं करता येणार आहेत.