CIBIL स्कोअर शिवायही पर्सनल लोन घेता येतं का? तुम्हालाही घ्यायचं असेल तर हे वाचाच

सिबिल स्कोअर नसतानाही पर्सनल लोन मिळू शकतं का? अनेक लोकांच्या मनात हा प्रश्न निर्माण होतो. ज्या लोकांची क्रेडिट हिस्ट्री नाही किंवा ज्यांनी यापूर्वी कधीच लोन घेतलेलं नाही. अशा लोकांसाठी ही माहिती खुप आवशय्क आहे. कारण बँका आणि वित्तीय संस्था लोन देण्यापूर्वी सिबिल स्कोअर (क्रेडिट स्कोअर) ला महत्त्वाचं मानतात. मात्र बदलत्या काळानुसरा, आता असे काही ऑप्शन उपलब्ध आहेत, जिथे तुम्हाला सिबिल स्कोअर नसतानाही पर्सनल लोन मिळू शकतं.

खरंतर यासाठी काही अटी आणि पर्यायी निकष असतात. तुम्हीही पर्सनल लोन घेण्याचा विचार करत असा. तर कोणकोणत्या परिस्थितीमध्य सिबिल स्कोअर नसताना लोन मिळू शकतं हे जाणून घेणं महत्त्वाचं आहे.

CIBIL स्कोर म्हणजे काय? : तुमचा सिबिल स्कोअर एक तीन अंकांची संख्या असते. ज्यावरुन तुमच्या CIBIL रिपोर्टचा सविस्तर आढावा घेता येतो. हा स्कोअर आपल्या क्रेडिट हिस्ट्री, लोन फेडण्याचा रेकॉर्ड आणि आर्थिक व्यवहाराच्या आधारावर ठरवला जातो.

हे तुमच्यासाठी एक प्रकारचं 'फायनेंशियल रिपोर्ट कार्ड' असतो. ज्यामुळे बँक आणि वित्तीय संस्था आकलन करतात की, तुम्ही लोन घेणे आणि ते फेडण्यासाठी किती योग्य आहात. सीबिल स्कोअर सामान्यतः 300 ते 900 दरम्यान असतं. ते जेवढं जास्त असतं, तेवढ्या सहज तुम्हाला लोन किंवा क्रेडिट कार्ड मिळण्याची शक्यता वाढते.

टाटा कॅपिटलनुसार, तुमच्याजवळ क्रेडिट हिस्ट्री नाही, तर अशावेळी तुम्हा ज्या व्यक्तीचं क्रेडिट स्कोअर चांगला आहे (700+) आणि उपत्न स्थिती स्थिर असेल त्याला गॅरंटर बनवू शकता. ती व्यक्ती तुमच्या पैसे फेडण्याच्या क्षमतेची जबाबदारी घेतो. ज्यामुळे लेंडरची जोखिम कमी होते. आई-वडील, जोडीदार, भाऊ-बहीण किंवा कोणत्याही जवळच्या नातेवाईकाला तुम्ही गॅरंटर किंवा को-अॅप्लिकेंट बनवू शकता. पण लक्षात ठेवा तुम्ही ईएमआय फेडू शकला नाही तर गॅरंटरला पैसे भरावे लागतील. यामुळे नीट प्लॅनिंग करुनच निर्णय घ्या.

लहान रकमेचं लोन निवडा : पहिल्यांदा लोन घेत असाल तर आपल्या मासिक उत्पन्नाच्या हिशोबाने कमी रकमेचं (10 ते 50 हजार रुपये) लोन घ्या. कमी राशीत लेंडरची जोखिम कमी होते. यामुळे मंजुरी मिळण्याची शक्यता जास्त असते. वेळेवर पेमेंट केल्याने तुमची क्रेडिट हिस्ट्री तयार होते आणि तुम्ही पुढे मोठे लोनही घेऊ शकता.

मजबूत उत्पन्नाचा पुरावा जमा करा : सीबिल स्कोअर नसेल तर लेंडर तुमची पैसे भरण्याची क्षमता तपासतात. यामुळे उत्पन्नाचा ठोस पुरावा द्या. म्हणजे, सॅलरी स्लिप, बँक स्टेटमेंट, आयटीआर आणि नोकरीचं प्रमाणपत्र उपलब्ध करुन द्या. स्थिर नोकरी किंवा व्यवसाय आणि चांगली बचत दाखवल्याने लेंडरचा विश्वास वाढतो. काही लेंडर यूटिलिटी बिल पेमेंट हिस्ट्रीही पाहतात.

सिक्योरिटीसह लोन घ्या : पर्सनल लोन सामान्यतः अनसिक्योर्ड असतात. मात्र सिबिल नसल्यावर सिक्योर्ड लोन बेस्ट ऑप्शन आहे. तुम्हाला गोल्ड लोन सहज मिळू शकतं. व्याजदरही कमी असतं आणि सिबिल स्कोअरही चेक केला जात नाही. फिक्स्ड डिपॉझिट, प्रॉपर्टी किंवा इतर संपत्तीला सिक्योरिटीच्या रुपात वापरा.

No History ची स्थिती नीट समजून घ्या : तुम्ही कधी लोन किंवा क्रेडिट कार्ड घेतलं नसेल तर तुमच्या रिपोर्टमध्ये “NH” (No History) दिसतं. यामुळेच अर्ज करताना इमानदारीने तुमचे स्थिर उत्पन्न, बचतीची हिस्ट्री, उधार न घेता कसं मॅनेज केलं याचा अनुभव सांगा.