अनेक Credit Card मॅनेज करणं कठीण जातंय? या प्रोसेसने करा Deactivate

Credit Card cancellation: आजकाल क्रेडिट कार्ड ही एक गरज बनली आहे. खरेदीपासून ते जेवणापर्यंत सर्व गोष्टींसाठी क्रेडिट कार्डचा वापर मोठ्या प्रमाणात केला जात आहे. गेल्या काही वर्षांत क्रेडिट कार्डचा वापर झपाट्याने वाढलाय. क्रेडिट कार्डचा वापर वाढल्याने लोकांच्या समस्याही वाढल्या आहेत.

अनेक लोकांकडे एकापेक्षा जास्त क्रेडिट कार्ड असतात. अनेक कार्ड वापरून खरेदी केल्यानंतर बिल भरणे कठीण होत चालले आहे. या प्रक्रियेत ते कर्जाच्या जाळ्यात अडकत आहेत. तुम्ही एकापेक्षा जास्त क्रेडिट कार्ड वापरत असाल आणि आता कार्ड योग्यरित्या व्यवस्थापित करणे कठीण होत असेल, तर तुम्ही ते डिअॅक्टिव्हेट करू शकता. याची सोपी पद्धत जाणून घेऊया.

क्रेडिट कार्ड डिअॅक्टिव्हेट करण्याचे मार्ग: तुम्हाला सेवा निष्क्रिय करायची असेल, तर ते करण्याचा सर्वात सोपा मार्ग म्हणजे कस्टमर केअर. तुम्ही तुमच्या बँकेच्या कस्टमर केअर नंबरवर कॉल करू शकता. कस्टमर केअरला क्रेडिट कार्ड निष्क्रिय करण्यास सांगा. तो तुमच्याकडून आवश्यक माहिती घेईल आणि नंतर प्रोसेस सुरू करेल. अशा प्रकारे तुमचे कार्ड काही वेळात डिअॅक्टिव्हेट होईल.

बँकेला लेखी रिक्वेस्ट करा : तुम्ही बँकेला क्रेडिट कार्ड डिअॅक्टिव्हेट करण्याची विनंती करणारा अर्ज लिहू शकता. त्यात तुमचे नाव, पत्ता आणि क्रेडिट कार्ड नंबरचे शेवटचे चार अंक यासारखे डिटेल्स असले पाहिजेत. तुम्ही ते सामान्य पोस्टाने किंवा नोंदणीकृत पोस्टाने पाठवू शकता. पोस्टल पत्ता बँकेच्या अधिकृत वेबसाइटवर आढळू शकतो.

ईमेल पाठवून डिअॅक्टिव्हेट करा : तुम्ही क्रेडिट कार्ड जारीकर्त्याला क्रेडिट कार्ड डिअॅक्टिव्हेट करण्याची विनंती करणारा ईमेल लिहू शकता. ईमेलमध्ये, तुम्हाला तुमचे नाव आणि पत्ता यासारखे सर्व महत्त्वाचे डिटेल्स नमूद करावे लागतील. तुम्हाला क्रेडिट कार्ड जारीकर्त्याच्या वेबसाइटवर ईमेल अॅड्रेस मिळेल. तुमचे कार्ड डिअॅक्टिव्हेट केले जाईल.

ऑनलाइन रिक्वेस्ट करणे : बँक वेबसाइट्स सहसा क्रेडिट कार्ड ऑनलाइन डिअॅक्टिव्हेट करण्याचा ऑप्शन देतात. क्रेडिट कार्ड जारीकर्त्याच्या वेबसाइटवर क्रेडिट कार्ड डिअॅक्टिव्हेट करण्यासाठी तुम्हाला सर्व आवश्यक डिटेल्ससह एक फॉर्म भरावा लागेल. क्रेडिट कार्ड डिअॅक्टिव्हेट करण्याची पुष्टी करण्यासाठी बँक नंतर तुमच्याशी संपर्क साधेल.

क्रेडिट कार्ड निष्क्रिय करताना तुम्ही अनेक गोष्टींचा विचार केला पाहिजे. तुमच्या क्रेडिट कार्डवरील सर्व थकबाकी भरा. जर कार्डवर रिवॉर्ड पॉइंट्स शिल्लक असतील, तर ते डिअॅक्टिव्हेट करण्यापूर्वी ते रिडीम करा. क्रेडिट कार्ड डिअॅक्टिव्हेट करण्यापूर्वी ऑटोमेटिक बिल पेमेंट रद्द करणे देखील महत्त्वाचे आहे.