सोन्या-चांदीवर मोठी अपडेट! या आठवड्यात होणार महाग, लग्नसराईत वाढणार किंमती

नवी दिल्ली : विश्लेषकांच्या मते अमेरिकन राष्ट्रपती डोनाल्ड ट्रंप यांच्या जागतिक शुल्क वाढवण्याचा निर्णय आणि पश्चिम आशियामध्ये वाढत्या भू-राजकीय तणावानंतर नव्याने निर्माण झालेल्या व्यापार तणावाच्या पार्श्वभूमीवर गुंतवणूकदारांनी सुरक्षित मालमत्तांमध्ये सुरक्षितता शोधली आहे. ज्यामुळे पुढच्या आठवड्यात चांदी आणि सोन्यात तेजी येण्याची आशा आहे.

बाजारात काम करणारे लोक मौल्यवान दातूंच्या भावाचे ट्रेंड जाणून घेण्यासाठी, आपण काही महत्त्वाच्या आर्थिक डेटाकडे लक्ष देऊ. यामध्ये अमेरिकाचा उत्पादन मूल्यू सूचकाक, लोकांचा आर्थिक विश्वास, साप्ताहित बेरोजगारीचा दावा आणि चीनच्या केंद्रीय बँकांद्वारे व्याजदराच्या निर्णयाचा समावेश आहे.

चॉईस ब्रोकिंगने म्हटले आहे की, बाजारपेठा अमेरिकन उत्पादक किंमत निर्देशांक, गृहनिर्माण डेटा, ग्राहकांचा विश्वास, प्रादेशिक फेडरल रिझर्व्ह निर्देशक आणि चीनच्या मध्यवर्ती बँकेकडून प्रमुख व्याजदर निर्णयाची वाट पाहत आहेत. अमेरिकन सर्वोच्च न्यायालयाच्या निर्णयानंतर जागतिक आयात शुल्क वाढवण्याच्या ट्रम्पच्या निर्णयामुळे आणि वाढत्या भू-राजकीय जोखमींमुळे जागतिक व्यापारात अनिश्चितता निर्माण झाली आहे, ज्यामुळे गुंतवणूकदार पुन्हा एकदा सुरक्षित गुंतवणूक (सोने आणि चांदी) कडे वळले आहेत.

गेल्या आठवड्यात कसा होता भाव : मल्टी कमोडिटी एक्सचेंज (एमसीएक्स) वर चांदीच्या किंमतीत गेल्या आठवड्यात 8,584 रुपये म्हणजेच 3.5 टक्के वाढ झाली. तर सोन्याच्या किंमत जवळपास 981 रुपये म्हणजे 1 टक्के वाढली आहे. एंजेल वनच्या शोध एंजल वनच्या संशोधन विभागाचे प्रथमेश मल्ल्या म्हणाले की, 20 फेब्रुवारी रोजी संपलेल्या आठवड्यापर्यंत सोन्याचे भाव मर्यादित श्रेणीत राहिले.

एमसीएक्सवर सोन्याच्या किमती प्रति 10 ग्रॅम 1.5 लाख रुपये ते 1.6 लाख रुपयांदरम्यान चढ-उतार झाल्या. कमकुवत अमेरिकन आर्थिक आकडेवारी आणि वाढत्या भू-राजकीय जोखमींमुळे सोन्याच्या किमती वाढल्या. फेडरल रिझर्व्हकडून व्याजदरात कपात होण्याची शक्यताही गुंतवणूकदारांनी वर्तवली.

युद्धाचा फटका सोन्याला बसतोय : माल्या म्हणाले की, पश्चिम आशियातील वाढता तणाव, रशिया-युक्रेन युद्ध आणि व्यापक बाजारपेठेतील अस्थिरता यामुळे काही गुंतवणूकदार अनिश्चितता टाळण्यासाठी सोन्यात गुंतवणूक करण्यास प्रवृत्त झाले आहेत. एकूणच, या आठवड्यात मौल्यवान धातूंमध्ये जोखीममुक्तीची भावना कायम राहिली. सोन्याचे भाव प्रति 10 ग्रॅम ₹1.61 लाखांपर्यंत वाढण्याची अपेक्षा आहे. या युद्धामुळे गुंतवणूकदारांच्या भावावर परिणाम होण्याची शक्यता आहे, ज्यामुळे सोने आणि चांदीची मागणी आणखी वाढेल.

सोनं विक्रमी लेव्हलने खाली आलंय : ग्लोबल मार्केट असो किंवा किरकोळ विक्री बाजार असो दोन्हीही ठिकाणी गेल्या काही दिवसांपासून सोने आणि चांदीच्या किंमतीत विक्रमी वाढ झाली. मात्र अस्थिरतेमध्ये थोडी सुधारणा होताच दोन्हीच्या किंमतीत घसरण पाहायला मिळाली आणि आज सोनं आपल्या विक्रमी भावाच्या खुप खाली आलं आहे. विशेषतः चांदीने एकवेळी तर 4 लाखांचा आकडाही पार केला होता. जो सध्या 2.60 लाखांच्या आसपास फिरत आहे.