Currency : भारतीय रुपयाची रशियामध्ये किंमत किती? 100 रुपये घेऊन गेलो तर किती रूबल मिळेल?

जगातील प्रत्येक व्यक्तीच्या खिशावर थेट परिणाम करणारी गोष्ट कोणती असेल, तर ती आहे पैसै. तुम्ही तुमच्या दैनंदिन गरजा पूर्ण करण्यासाठी किंवा परदेशात प्रवासाला जाण्यासाठी जेव्हा पैसे मोजता, तेव्हा तुम्हाला तुमच्या देशाच्या चलनाची किंमत काय आहे, हे माहीत असणे आवश्यक आहे. विशेषत: जेव्हा आंतरराष्ट्रीय स्तरावर मोठे राजकीय किंवा आर्थिक बदल होतात, तेव्हा आपल्या रुपयाची किंमत कशी बदलते, याकडे सर्वांचे लक्ष लागलेले असते. पण अनेकांना त्यांची माहिती नसल्यामुळे याचा त्यांच्यावर काय फरक पडतो हे अनेकांना कळत नाही.

गेल्या काही दिवसांपासून आंतरराष्ट्रीय बाजारपेठेत भारतीय रुपयावर दबाव वाढत असल्याचे दिसत आहे. डॉलरच्या तुलनेत रुपया प्रथमच ₹90 च्या पुढे गेल्याने अनेकांच्या भुवया उंचावल्या आहेत. रुपया कमजोर होण्याची कारणे अनेक आहेत: मजबूत होत असलेला डॉलर, कमी होत असलेला आंतरराष्ट्रीय गुंतवणूक प्रवाह आणि वाढत्या तेलाच्या किमती यांसारख्या घटकांमुळे भारतीय चलनावर मोठा ताण येत आहे.

याच पार्श्वभूमीवर, रशियाचे राष्ट्राध्यक्ष व्लादिमीर पुतिन 4 डिसेंबरला दोन दिवसीय अधिकृत भारत दौऱ्यावर येत आहेत. या 30 तासांच्या महत्त्वपूर्ण भेटीदरम्यान, पंतप्रधान नरेंद्र मोदी आणि पुतिन यांच्यात संरक्षण, ऊर्जा, व्यापार आणि तांत्रिक सहकार्यासह अनेक महत्त्वाच्या द्विपक्षीय मुद्द्यांवर चर्चा होणार आहे. जागतिक राजकारणात या भेटीला अत्यंत महत्त्वाचे मानले जात आहे.

रशियामध्ये 100 रुपयांची किंमत काय असेल?पुतिन यांच्या या दौऱ्यादरम्यान, अनेक लोकांना एक प्रश्न पडला आहे: 'जागतिक बाजारपेठेत रुपया कमकुवत होत असताना, रशियामध्ये आपल्या भारतीय रुपयाची किंमत काय असेल?'

रशियाची अधिकृत मुद्रा किंवा चलन हे रूसी रूबल (RUB) आहे. आपल्या देशात जसा रुपयामध्ये व्यवहार होतो, तसा रशियातील प्रत्येक व्यवहार हा रूबलमध्ये होतो. रूबलच्या तुलनेत भारतीय रुपयाचे मूल्य किती आहे, हे जाणून घेण्यासाठी दोन्ही चलनांचा विनिमय दर (Exchange Rate) माहीत असणे महत्त्वाचे आहे.

हा विनिमय दर आंतरराष्ट्रीय व्यापार, तेल-वायूच्या किमती, संबंधित देशाच्या अर्थव्यवस्थेची मजबुती आणि गुंतवणुकीचा प्रवाह यासारख्या अनेक घटकांवर आधारित असतो आणि तो दररोज बदलत असतो. सध्याच्या माहितीनुसार (4 डिसेंबर, 2025 पर्यंत), 1 भारतीय रुपया (INR) अंदाजे 0.86 रूसी रूबल (RUB) इतका आहे.

याचा स्पष्ट अर्थ असा की जर तुम्ही भारतातून ₹100 घेऊन रशियाला गेलात, तर तुम्हाला तेथे अंदाजे 86 रूबल मिळतील.म्हणजेच, जर तुम्ही रशियात प्रवास करत असाल, तर तिथे तुमच्या ₹100 रुपयांचे मूल्य भारतापेक्षा किंचित कमी असेल. प्रत्येक देशाच्या अर्थव्यवस्थेची स्थिती आणि जागतिक बाजारपेठेतील मागणीनुसार चलनाचे मूल्य बदलते.

भारत-रशिया संबंधांसाठी हा दौरा महत्त्वाचा का?एकंदरीत, राष्ट्राध्यक्ष पुतिन यांचा हा भारत दौरा दोन्ही देशांमधील राजनैतिक संबंध अधिक दृढ करण्याची मोठी संधी देणारा ठरू शकतो. एका बाजूला दोन्ही देशांची चलन विनिमय दर सध्याच्या जागतिक अर्थव्यवस्थेतील चढ-उतार दर्शवत आहेत, तर दुसऱ्या बाजूला भारत-रशिया यांच्यातील द्विपक्षीय संबंधांवर या चर्चेचा सकारात्मक परिणाम होण्याची अपेक्षा आहे. त्यामुळे, ही भेट केवळ राजकीय नव्हे, तर आर्थिक दृष्ट्याही अत्यंत महत्त्वाची मानली जात आहे.