Post Office Scheme: फक्त 200 रुपये गुंतवा अन् 1 लाख मिळवा, काय आहे पोस्ट ऑफिसची स्कीम?

आपल्याला लहानपणी घरात शिकवलं जातं की एक दोन रुपयांपासून पैसे सेविंग करायला, तुमचा पगार कमी असेल तुम्हाला खूप जास्त पैसे साठवणं शक्य नसेल तर ही पोस्टाची स्कीम खास तुमच्यासाठी आहे. यामध्ये अगदी कमी रक्कम गुंतवून तुम्ही जास्त नफा मिळवू शकता. पोस्ट ऑफिसची ही 'सुपरहिट' योजना आहे, जी तुम्हाला अगदी लहान गुंतवणुकीतून चांगले रिटर्न्स देऊ देते.

तुमच्या म्हातारपणातील पैशांची चिंता कायमची दूर करू शकते. ही योजना म्हणजे पोस्ट ऑफिसची रेकरिंग डिपॉझिट स्कीम. या आरडी योजनेत तुम्ही अगदी सुरक्षितपणे पैसे गुंतवू शकता आणि कोणत्याही मोठ्या जोखमीशिवाय चांगला परतावा कमवू शकता.

विशेष म्हणजे, तुम्ही फक्त १०० रुपयांच्या छोट्या गुंतवणुकीपासून सुरुवात करून भविष्यासाठी लाखोंचा मोठा निधी तयार करू शकता. पैसे बुडण्याची कोणतीही भीती या योजनेत नाही, त्यामुळे कुणीही या योजनेत गुंतवणूक करु शकता. पोस्ट ऑफिसची ही 'स्मॉल सेव्हिंग स्कीम' सामान्य लोकांसाठी गुंतवणुकीचा एक सर्वोत्तम पर्याय आहे. ही रेकरिंग डिपॉझिट योजना लोकांमध्ये सर्वाधिक पसंतीची आहे.

केवळ १०० रुपयांपासून गुंतवणूक सुरू करू शकता आणि तुम्हाला हवी तेवढी रक्कम दर महिन्याला जमा करू शकता. यामध्ये गुंतवणुकीची कोणतीही जास्तीत जास्त मर्यादा निश्चित केलेली नाही. या योजनेत तुम्ही १ वर्ष, २ वर्षे किंवा त्याहून अधिक कालावधीसाठी पैसे गुंतवू शकता. पोस्ट ऑफिस दर तीन महिन्यांनी या योजनेवर व्याज देते, ज्यामुळे तुमच्या गुंतवणुकीचे मूल्य सतत वाढत राहते आणि चक्रवाढ व्याजाचा फायदा मिळतो.

या पोस्ट ऑफिस रेकरिंग डिपॉझिट स्कीममध्ये १८ वर्षे किंवा त्याहून अधिक वयाची कोणतीही व्यक्ती आपले खाते उघडू शकते. तसेच, एखादे मूल अल्पवयीन असल्यास, त्याचे पालक त्याच्या नावावर हे खाते सुरू करू शकतात. ही योजना केवळ बचतीचेच नाही, तर गरजेच्या वेळी मदतीचेही एक विश्वसनीय साधन ठरते.

या योजनेचे एक मोठे वैशिष्ट्य म्हणजे, जर तुम्हाला पैशांची तातडीची गरज भासली, तर तुम्ही तुमच्या जमा रकमेच्या आधारावर कर्ज देखील घेऊ शकता. आवश्यकता वाटल्यास, तुम्ही तुमच्या जवळच्या पोस्ट ऑफिस शाखेशी संपर्क साधून या खात्यावर कर्ज मिळवू शकता. तुम्हाला तुमच्या एकूण जमा केलेल्या रकमेच्या ५० टक्क्यांपर्यंत कर्ज घेण्याची सुविधा मिळते.

हे कर्ज तुम्ही १२ मासिक हप्त्यांमध्ये परत करू शकता. यामुळे ही योजना केवळ बचत आणि गुंतवणुकीसाठीच नाही, तर कठीण परिस्थितीत आर्थिक आधार देण्यासाठीही उपयुक्त ठरते. या योजनेतून लाखोंचा निधी कसा तयार होऊ शकतो, हे तुम्ही एका साध्या गणनेतून समजू शकता.

जर तुम्ही या पोस्ट ऑफिस आरडी स्कीममध्ये दररोज २०० रुपये गुंतवण्याचा निर्णय घेतला, तर तुमचा महिन्याचा एकूण मासिक हप्ता ६,००० रुपये होईल. समजा तुम्ही दोन वर्षांसाठी दररोज २०० रुपये गुंतवले, तर सध्याच्या ६.७ टक्के व्याजदरासह तुम्हाला दोन वर्षांत एक लाख ४४ हजार रुपये मिळतील, अंदाजे रिटर्न १० हजार रुपयांच्या आसपास राहतील तर दोन वर्षांनंतर १ लाख ५४ हजार रुपये तुम्हाला मिळणार आहेत.