मुंबई HIV च्या विळख्यात! महिन्याला 50 बळी, 150 नवे रुग्ण; World Aids Day लाच आला धक्कादायक रिपोर्ट

1 डिसेंबर जागतिक एड्स दिन... या दिवशीच मुंबईतील एचआयव्हीची धक्कादायक आकडेवारी समोर आली आहे. मुंबई एचआयव्हीच्या विळख्यात आहे. महिन्याला 150 रुग्ण सापडत आहेत. तर 50 बळी जात आहेत.

मीडिया रिपोर्टनुसार वर्ल्ड एड्स डेच्या निमित्ताने मुंबई जिल्हा एड्स कंट्रोल सोसायटीने (MDACS) मुंंबईतील एचआयव्हीचा रिपोर्ट जारी केला. त्यातून धक्कादायक माहिती समोर आली आहे.

गेल्या वर्षभरात एचआयव्ही ग्रस्त 12039 रुग्णांवर आजीवन उपचार सुरू करण्यात आले. ज्यामुळे मुंबईत अँटीरेट्रोव्हायरल थेरपी घेणाऱ्यांची संख्या 52697 वर पोहोचली आहे. पण शहरात 62571 एचआयव्ही ग्रस्त रुग्ण आहेत.

वर्षाला शहरात 3000 नवीन प्रकरणं नोंदवली जात आहेत. या वर्षात जानेवारी ते ऑक्टोबर 302579 लोकांची टेस्ट झाली होती. त्यापैकी 1538 नवीन इन्फेक्शन नोंदवली गेली आहेत.

तर  2021 पासून 4571 रुग्णांचा मृत्यू झाल्याची नोंद आहे. त्यापैकी 491 रुग्ण या वर्षी ऑक्टोबरपर्यंत झाले आहेत. त्यामुळे चिंता व्यक्त केली जाते आहे.