Pune Hoarding collapse : पुण्यात बँड पथकावर कोसळलं भलंमोठं होर्डिंग! नवरदेवाचा घोडाही अडकला; थरकाप उडवणारे PHOTOS

राज्यात होर्डिंग अपघाताच्या घटना थांबण्याचं नाव घेताना दिसत नाही. मुंबईतील घाटकोपरमध्ये भलंमोठं होर्डिंग कोसळून 17 लोकांचा बळी गेला. तर पिंपरी चिंचवडमध्ये होर्डिंग कोसळून वाहनांचे नुकसा झालं होतं.

या घटना ताज्या असताना पुण्यात आता आणखी एक होर्डिंग कोसळ्याची घटना घडली आहे.

पुणे सोलापूर रस्त्यावरील कवडीपाट टोल नाका जवळील गुलमोहर लॉन्स या कार्यालयासमोरील होर्डिंग थेट कार्यालयाच्या समोर कोसळल्यामुळे दुचाकी चार चाकी सह बँड वादकांची गाडी याचे मोठे नुकसान झाले.

नवरदेवाला मिरवणुकीसाठी आणलेला घोडा सुद्धा होर्डिंग अंगावर पडल्यामुळे गंभीर जखमी झालाय. यामध्ये बँड पथकाचं मोठं नुकसान झालं असून त्यांचा घोडा गंभीर जखमी झाला आहे.

पुणे सोलापूर हायवे लगत लोणी काळभोर या ठिकाणी ही घटना घडली आहे. या घटना वारंवार घडत असूनही प्रशासनाकडून काहीच उपाय योजना होत नसल्याचे समोर आले आहे.