Weather Alert : महाराष्ट्रासाठी पुढील 24 महत्त्वाचे, आता येणार हिट लाट, IMD चा अलर्ट

महाराष्ट्रातील हवामान 27 फेब्रुवारी रोजी मुख्यतः कोरडे, उष्ण आणि काही ठिकाणी अंशतः ढगाळ राहण्याचा अंदाज आहे. राज्यात कमाल तापमानात हळूहळू वाढ होत आहे. त्यामुळे 27 फेब्रुवारी रोजी तापमान सामान्यपेक्षा 2-4 अंशांनी जास्त राहील, असा अंदाज हवामान खात्याने वर्तवला आहे.

कोकण विभागातील मुंबई, ठाणे, रायगड, रत्नागिरी, सिंधुदुर्गमध्ये निरभ्र ते अंशतः ढगाळ आकाश राहील. मुंबईत कमाल तापमान 28-30 अंश सेल्सिअस आणि किमान 23-25 अंश अपेक्षित आहे. आर्द्रता जास्त असल्याने उकाडा तीव्र जाणवेल.

पश्चिम महाराष्ट्रातील पुणे, सातारा, सांगली, कोल्हापूर या भागात कोरडे आणि उष्ण हवामान कायम राहील. पुण्यात कमाल 32-34 अंश आणि किमान 18-20 अंश राहण्याचा अंदाज आहे.

उत्तर महाराष्ट्रातील नाशिक, धुळे, जळगाव, नंदुरबारमध्ये तापमानात चढ-उतार दिसेल. नाशिकमध्ये दिवसा 31-33 अंश आणि रात्री 17-19 अंश राहण्याचा अंदाज आहे.

मराठवाड्यातील छत्रपती संभाजीनगर, जालना, बीड, लातूर, नांदेड, परभणी आणि धाराशिवमध्ये उष्ण आणि कोरडे वातावरण राहील. कमाल तापमान 33-35 अंशांपर्यंत पोहोचू शकते, किमान 18-20 अंश राहण्याचा अंदाज आहे.

विदर्भातील नागपूर, अमरावती, अकोला, वाशिम, यवतमाळ, चंद्रपूर, गडचिरोली, बुलढाणामध्ये उष्णता जाणवेल. कमाल 34-36 अंश आणि किमान 19-21 अंश राहील. पूर्व विदर्भात थंडी कमी होत असून, उन्हाचा तडाखा वाढेल.

एकंदरीत, 27 फेब्रुवारीला महाराष्ट्रात उन्हाळ्याची सुरुवात स्पष्ट दिसत आहे. भरपूर पाणी प्या, सूर्यप्रकाश टाळा आणि उष्णतेशी संबंधित आजारांपासून सावध राहा.