Weather Alert: 48 तास पावसाचे, पुणे ते कोल्हापूर यलो अलर्ट, पश्चिम महाराष्ट्राचा हवामान अंदाज

मागील आठवडाभर राज्यातील बहुतांशी भागात पावसाची उघडीप राहीली. तर काही ठिकाणी ढगाळ हवामानासह हलक्या पावसाने हजेरी लावली. मात्र जोरदार सर्वदूर पाऊस झाला नाही. आता मात्र राज्यातील काही भागात पावसाचा जोर पुन्हा वाढत आहे. पुढील 24 तासात संपूर्ण पश्चिम महाराष्ट्रात सतर्कतेचा यलो अलर्ट जारी करण्यात आला आहे.

पुणे जिल्ह्यातील हवामानात मोठे बदल जाणवत आहेत. पावसाने पुन्हा जोर पकडला असून पुढील 24 तासात संपूर्ण पुणे जिल्ह्यात हलक्या पावसाची शक्‍यता आहे. यावेळी कमाल तापमान 31 तर किमान तापमान 22 अंश सेल्सिअस इतके राहील. विजांच्या कडकडाटाची शक्यता असल्याने सतर्कतेचा येलो अलर्ट जारी केला आहे.

सातारा जिल्ह्यात मागील 24 तासात 0.2 मिलिमीटर पावसाची नोंद झाली. पुढील 24 तासात साताऱ्यातील कमाल तापमान 27 अंश सेल्सिअस राहील. तसेच आज वादळी वाऱ्यांसह जोरदार पावसाची शक्यता असून हवामान विभागाने यलो अलर्ट जारी केला आहे.

कोल्हापूर जिल्ह्यात मागील 24 तासात 3 मिलीमीटर पावसाची नोंद झाली. यावेळी कमाल तापमान 28.6 अंश सेल्सिअस राहिले. पुढील 24 तासात कमाल तापमान 27 अंशावर राहील. कोल्हापूर जिल्ह्यात देखील गडगडाटी वादळासह जोरदार पावसाची शक्यता असून 48 तास कोल्हापूर जिल्हास सतर्कतेचा अलर्ट जारी केला आहे.

सोलापूर जिल्हात मागील 24 तासात 1 मिलिमीटर पावसाची नोंद झाली. तसेच 28.9 अंश सेल्सिअस कमाल तापमानाची नोंद झाली. पुढील 24 तासात कमाल तापमान 28 अंशावर राहील. तसेच पुढील 24 तासात सोलापूर जिल्ह्यात विजांसह पावसाची शक्यता असल्याने सतर्कतेचा यलो अलर्ट जारी केला आहे.

मागील 24 तासात सांगली जिल्ह्यामध्ये 11 मिलीमीटर पावसाची नोंद झाली. पुढील 24 तासात गडगडाटी वादळासह मध्यम पावसाची शक्यता हवामान विभागाने वर्तवली आहे. यावेळी जिल्ह्यातील कमाल तापमान 28 तर कमान तापमान 22 अंश सेल्सिअस इतके राहील.

पश्चिम महाराष्ट्रातील काही जिल्ह्यांत पावसाच्या उघडिपीसह तापमानात चढ-उतार सुरू आहे. गेल्या काही दिवसांत पावसाला पुन्हा सुरुवात झाली असून 48 तासांसाठी यलो अलर्ट जारी केला आहे. त्यामुळे शेतकरी आणि नागरिकांना योग्य ती काळजी घ्यावी लागेल.